చిరంజీవిగారిని చూసే 'వాల్మీకి' లుక్ ట్రై చేశాను: హీరో వరుణ్ తేజ్

వరుణ్ తేజ్ కథానాయకుడిగా హరీశ్ శంకర్ దర్శకత్వంలో రూపొందిన 'వాల్మీకి' చిత్రం, రేపు ప్రేక్షకుల ముందుకు రానుంది. ఈ నేపథ్యంలో ఈ సినిమా ప్రమోషన్స్ మరింత ఊపందుకున్నాయి. తాజా ఇంటర్వ్యూలో వరుణ్ తేజ్ పాల్గొనగా, ఈ సినిమాలో ఆయన లుక్ గురించిన ప్రస్తావన వచ్చింది.

అందుకు వరుణ్ తేజ్ స్పందిస్తూ .. ఈ సినిమాలో నేను గెడ్డం .. మీసాలు .. డిఫరెంట్ హెయిర్ స్టైల్ తో కనిపిస్తాను. హెయిర్ స్టైల్ విషయంలో నేను చిరంజీవిగారి లుక్ నే కాపీ కొట్టాను. 'పునాదిరాళ్లు' సినిమాలో చిరంజీవి గారి హెయిర్ స్టైల్ ను ట్రై చేస్తే బాగుంటుందని భావించి అలాగే చేశాను. అందరి నుంచి మంచి రెస్పాన్స్ వస్తున్నందుకు ఆనందంగా వుంది. హరీశ్ శంకర్ రాసిన కామెడీ ఈ సినిమాకి ప్రధానమైన ఆకర్షణగా నిలుస్తుంది. 'గద్దలకొండ గణేశ్'గా నేను పోషించిన పాత్ర, నా కెరియర్లో ప్రత్యేకమైనది అవుతుంది" అని చెప్పుకొచ్చాడు.