ఎంపీ కోమటిరెడ్డి వెంకటరెడ్డి కూడా త్వరలో బీజేపీలో చేరతారు: ఎమ్మెల్యే రాజగోపాల్ రెడ్డి
- నా లాంటి వ్యక్తి బీజేపీలో చేరితేనే అది బలపడుతుంది
- బీజేపీలో చేరినా ఎమ్మెల్యే పదవికి రాజీనామా చేయను
- కాంగ్రెస్ పార్టీ మునిగిపోయే ఓడ
తాను బీజేపీలో చేరతానని ఒకసారి, చేరనని మరోసారి చెబుతున్న టీ-కాంగ్రెస్ ఎమ్మెల్యే కోమటి రెడ్డి రాజగోపాల్ రెడ్డి సంచలన వ్యాఖ్యలు చేశారు. భువనగిరి ఎంపీ, తన సోదరుడు కోమటిరెడ్డి వెంకటరెడ్డి త్వరలో బీజేపీలో చేరతారని వ్యాఖ్యానించారు. తన లాంటి వ్యక్తి బీజేపీలో చేరితేనే తెలంగాణలో ఆ పార్టీ బలపడుతుందని అన్నారు. ఒకవేళ, తాను బీజేపీలో చేరినా, ఎమ్మెల్యే పదవికి మాత్రం రాజీనామా చేయనని స్పష్టం చేశారు. ఈ సందర్భంగా కాంగ్రెస్ పార్టీపై ఆయన తీవ్ర వ్యాఖ్యలు చేశారు. కాంగ్రెస్ పార్టీని మునిగిపోయే ఓడగా అభివర్ణించిన రాజగోపాల్ రెడ్డి, టైటానిక్ షిప్ లో తన లాంటి హీరో ఉన్నా అది మునిగిపోవాల్సిందేనంటూ పరోక్షంగా ‘కాంగ్రెస్’పై వ్యాఖ్యలు చేశారు.
