వితంతువును వివాహమాడే యుగపురుషుడిలా మా ఇంటికి రా... భర్త హత్యకు ముందు ప్రియుడితో సరస్వతి!

పెళ్లయిన పది రోజులకే భర్తను హత్య చేయించిన సరస్వతి కేసులో మరో ఆసక్తికర విషయం వెలుగులోకి వచ్చింది. తన భర్తను హత్య చేయించాలని ప్రియుడు శివతో కలసి పథకం వేసిన ఆమె, హత్య తరువాత తల్లిదండ్రుల అంగీకారంతో శివను పెళ్లి చేసుకోవాలని భావించింది. అంతా సద్దుమణిగిన తరువాత తనను ఎలా పెళ్లి చేసుకోవాలన్న విషయమై శివకు క్లారిటీ ఇచ్చింది.

ఇద్దరిదీ ఒకే కులం కావడంతో ఇబ్బందులు ఉండవని చెప్పింది. హత్య తరువాత కొద్ది రోజులాగి తన ఇంటికి రావాలని, ఆపై పెళ్లాడతానని చెప్పాలని సూచించింది. ఓ వితంతువును వివాహం చేసుకునేందుకు ముందుకు వచ్చిన యుగపురుషుడిలా నిన్ను చూస్తారని చెప్పింది. అప్పటికే బాధల్లో ఉన్న తన కుటుంబం మరో మాట అడ్డు చెప్పకుండా పెళ్లికి అంగీకరిస్తుందని, ఆ తరువాత కలసి బతుకుదామని చెప్పిందట. లేచిపోతే కనుక ఇంట్లో ఎట్టి పరిస్థితుల్లోనూ ఒప్పుకోబోరని, భర్తను హత్య చేస్తేనే దగ్గరవుతామని నమ్మించి హత్య చేయించింది.