దేవిగారూ... వింటున్నారా?: రామ్ గోపాల్ వర్మ

ప్రముఖ సినీ దర్శకుడు రామ్ గోపాల్ వర్మ చిత్రీకరించిన 'గాడ్, సెక్స్ అండ్ ట్రూత్' లఘు చిత్రం ప్రేక్షకుల ముందుకు వచ్చిన సంగతి తెలిసిందే. విడుదలకు ముందే ఈ సినిమా పెద్ద దుమారాన్ని లేపింది. మహిళా సంఘాలు దీనిపై విరుచుకుపడ్డాయి. సామాజిక కార్యకర్త దేవి కూడా ఈ సినిమాపై మండిపడ్డారు. ఈ నేపథ్యంలో, ఆమెపై వర్మ కూడా అనుచిత వ్యాఖ్యలు చేశారు. దీంతో, ఆయనపై దేవి పోలీస్ కేసు కూడా పెట్టారు.

ఇవన్నీ పక్కనపెడితే... ఈ సినిమాకు సంబంధించి ట్విట్టర్ లో వర్మ ఓ పోల్ నిర్వహించారు. "జీఎస్టీి ఇన్ స్పైడర్ లో మీరు నాతో కలవగలరా? 'ఐ లవ్ సెక్స్ టూ'కు క్యాంపెయిన్ చేయగలరా?" అంటూ సర్వే నిర్వహించారు. దీనిపై ఆయన ట్విట్టర్లో స్పందిస్తూ, లక్ష మందికిపైగా ఈ పోల్ లో పాల్గొన్నారని... 73 శాతం మంది అనుకూలంగా ఓటు వేశారని చెప్పారు. అంతేకాదు, 'దేవి గారూ, వింటున్నారా' అంటూ ఆమెను ఉద్దేశించి కామెంట్ చేశారు.