భారత్ ఇప్పుడు 'సైడ్ ప్లేయర్'.. విదేశీ గడ్డపై రాహుల్ గాంధీ వ్యాఖ్యల దుమారం!

National
Advertisement
  • యూఎస్‌, ఇరాన్‌లతో పాక్‌ చర్చిస్తుంటే భారత్ పక్కకు వెళ్లిపోయిందంటూ విమ‌ర్శ‌
  • రాహుల్ వ్యాఖ్యలపై బీజేపీ తీవ్ర ఆగ్రహం
  • పాకిస్థాన్ ఫ్యాన్ బాయ్ అంటూ ఎదురుదాడి
  • అమెరికా పర్యటనలో ఉన్న రాహుల్ ఈ వ్యాఖ్యలు
ప్రతిపక్ష నేత రాహుల్ గాంధీ భారత విదేశాంగ విధానంపై చేసిన వ్యాఖ్యలు దేశ రాజకీయాల్లో తీవ్ర దుమారం రేపాయి. అంతర్జాతీయ బౌగోళిక రాజకీయాల్లో (గ్లోబల్ జియోపాలిటిక్స్) భారత్ ఒక 'సైడ్ ప్లేయర్'గా మారిపోయిందని, ఒకప్పుడు ప్రపంచ వేదికపై స్వతంత్రంగా వ్యవహరించిన దేశం ఇప్పుడు తన ప్రభావాన్ని కోల్పోయిందని ఆయన విమర్శించారు. అమెరికా పర్యటనలో ఉన్న రాహుల్, చికాగో విశ్వవిద్యాలయంలో మాట్లాడుతూ ఈ వ్యాఖ్యలు చేశారు.

"ఒకప్పుడు భారత్‌కు జియోపాలిటిక్స్‌పై చాలా లోతైన అవగాహన ఉండేది. మనకు భాగస్వామ్యాలు, సంబంధాలు ఉన్నప్పటికీ, మనకంటూ ఒక సొంత ఆలోచన ఉండేది. కానీ, ఇప్పుడు పరిస్థితి మారింది. పాకిస్థాన్ వంటి దేశం అమెరికా, ఇరాన్‌లతో చర్చలు జరుపుతుంటే, భారత్ మాత్రం కీలకమైన అంతర్జాతీయ చర్చల నుంచి దూరంగా ఉండిపోయింది. ఇది ఆశ్చర్యం కలిగిస్తోంది" అని రాహుల్ అన్నారు. 

ప్రధాని మోదీ విదేశాంగ విధానాన్ని ఉద్దేశిస్తూ, ప్రపంచ నేతలతో వ్యక్తిగత స్నేహాల ఆధారంగా అంతర్జాతీయ సంబంధాలు నడవవని చురకలంటించారు. "ఆయన నా స్నేహితుడు అని మోదీ పదేపదే చెబుతారు. కానీ, జియోపాలిటిక్స్‌లో స్నేహానికి ఎవరు విలువ ఇస్తారు? స్నేహం ఆధారంగా విదేశాంగ విధానం నడుస్తుందని మీరు నిజంగా అనుకుంటున్నారా?" అని ప్రశ్నించారు.

రాహుల్ వ్యాఖ్యలపై బీజేపీ మండిపాటు
రాహుల్ వ్యాఖ్యలపై బీజేపీ తీవ్రస్థాయిలో మండిపడింది. విదేశీ గడ్డపై మాట్లాడుతూ దేశ ప్రతిష్ఠ‌ను దిగజార్చే ప్రయత్నం చేస్తున్నారని ఆరోపించింది. బీజేపీ అధికార ప్రతినిధి సీఆర్ కేశవన్ మాట్లాడుతూ.. రాహుల్ వ్యాఖ్యలు అత్యంత నిందనీయమైనవని, ఆయన పాకిస్థాన్‌కు చీర్‌లీడర్‌గా, ప్రచారకర్తగా మారారని ధ్వజమెత్తారు. 

"ప్రతిపక్ష నేత రాహుల్ గాంధీకి అంతర్జాతీయ రాజకీయాలపై కనీస అవగాహన లేదని ఆయన మాటలే రుజువు చేస్తున్నాయి" అని కేశవన్ అన్నారు. ప్రధాని మోదీ నాయకత్వంలో భారత్ ప్రపంచంలో ఏకాభిప్రాయాన్ని సాధించే శక్తిగా ఎదుగుతోందని, దీనిని కాంగ్రెస్ జీర్ణించుకోలేకపోతోందని విమర్శించారు.

మరో బీజేపీ నేత ప్రదీప్ భండారీ మాట్లాడుతూ.. రాహుల్ గాంధీకి పాకిస్థాన్ మీద ఎందుకంత ఆసక్తి అని ప్రశ్నించారు. "ప్రతి అంతర్జాతీయ వేదికపై రాహుల్ ఒక పాకిస్థాన్ ఫ్యాన్ బాయ్‌లా ప్రవర్తిస్తున్నారు" అని ఎద్దేవా చేశారు. రష్యా-ఉక్రెయిన్, ఇరాన్ వంటి దేశాలతో భారత్ విజయవంతంగా దౌత్య సంబంధాలు నెరుపుతోంటే, రాహుల్‌కు మాత్రం పాకిస్థాన్ ఆదర్శంగా కనిపిస్తోందని విమర్శించారు.

ఉగ్రవాదాన్ని ఆపే వరకు పాక్‌తో చర్చలు అసాధ్యం: రాహుల్ గాంధీ 
అయితే, పాకిస్థాన్‌తో చర్చల విషయంలో రాహుల్ గాంధీ తన వైఖరిని స్పష్టం చేశారు. సరిహద్దు ఉగ్రవాదాన్ని పాక్ పూర్తిగా ఆపే వరకు ఆ దేశంతో చర్చలు జరపడం అసాధ్యమని అన్నారు. "మా దేశంలోని అమాయక ప్రజలను చంపుతుంటే మేం పాకిస్థాన్‌తో చర్చలు జరపలేం. ఉగ్రవాదాన్ని ఆపిన మరుక్షణమే చర్చలు ప్రారంభమయ్యే అవకాశం ఉంటుంది" అని వివరించారు. 

అదేవిధంగా, ఇజ్రాయెల్‌తో సంబంధాలపైనా ఆయన మాట్లాడారు. ఇజ్రాయెల్‌తో రక్షణ సహకారం సహా మంచి సంబంధాలు కొనసాగించాలని, అయితే 150 కోట్ల జనాభా ఉన్న భారత్ తన విదేశాంగ విధానాన్ని ఇతరుల ప్రయోజనాల కోసం కాకుండా సొంత ప్రయోజనాల ఆధారంగానే రూపొందించుకోవాలని స్పష్టం చేశారు.
Advertisement

సంబంధిత వార్తలు

Rahul GandhiIndia Foreign PolicyBJP ReactionUS VisitGeopoliticsNarendra Modi

More Telugu News

కివీస్‌పై జైస్వాల్, రాహుల్ జోరు.. 32 ఏళ్ల తర్వాత అరుదైన రికార్డు!

20 Nov, 11:21

మాజీ ఎమ్మెల్యే రేఖానాయక్ ఇళ్లపై ఈడీ మెరుపు దాడులు.. అరెస్ట్ చేసే అవకాశం

20 Nov, 11:15

'మిర్రర్ డైమెన్షన్'.. ఏఐ శిక్షణ కోసం నకిలీ ఇంటర్నెట్‌ను నిర్మించిన గూగుల్!

20 Nov, 11:09

అత్యవసరంగా నిర్ణయం తీసుకోండి.. బంగ్లాదేశ్ పాస్‌పోర్ట్ కోసం షేక్ హసీనా దరఖాస్తు

20 Nov, 10:55

81 మంది నూతన జాతీయ కార్యదర్శలను నియమించిన కాంగ్రెస్.. 50 శాతం మంది ఓబీసీ, ఎస్సీ, ఎస్టీలు

20 Nov, 10:45

పులివెందులలో టెన్షన్.. ఎంపీ అవినాశ్‌ రెడ్డి కాన్వాయ్‌పై దాడి

20 Nov, 10:43

ఉగ్రవాదులకు ప్లాన్లు ఇస్తున్న ఏఐ.. అమెరికా పరిశోధనలో షాకింగ్ నిజాలు

20 Nov, 10:39

నీటి హక్కులపై రాజీ లేదు.. చుక్క నీటిని కూడా ఏపీకి వదులుకోం: మంత్రి ఉత్తమ్

20 Nov, 10:17

పాక్ అధ్యక్షుడే ఫిదా అయ్యారు.. ధోనీ గురించి రాజీవ్ శుక్లా చెప్పిన ఆసక్తికర ఘటన!

20 Nov, 10:14

టీ20 క్రికెట్‌లో చాహల్ అరుదైన రికార్డు.. 400 వికెట్లు తీసిన తొలి భారత బౌలర్‌గా ఘనత

20 Nov, 10:12

మళ్లీ తగ్గుముఖం పట్టిన బంగారం, వెండి ధరలు.. నేటి రేట్లు ఇవే!

20 Nov, 09:46

ఫైనాన్షియల్ డిస్ట్రిక్ట్‌లో భారీ అగ్నిప్రమాదం.. 18 అంతస్తులకు వ్యాపించిన మంటలు

20 Nov, 09:44

గ్యాంగ్‌స్టర్ గోల్డీ బ్రార్‌పై కెనడా భారీ రివార్డ్.. పట్టిస్తే రూ.1.63 కోట్లు

20 Nov, 09:30

పోలీసుల ఎన్‌కౌంటర్‌లో డి-కంపెనీ గ్యాంగ్‌స్టర్ హతం

20 Nov, 09:15
..More Telugu News