జగన్ ఆస్తుల కేసుల ప్రస్తుత పరిస్థితిపై సమగ్ర స్టేటస్ రిపోర్ట్ ఇవ్వండి: తెలంగాణ హైకోర్టు ఆదేశం
Advertisement
- వైఎస్ జగన్ కేసులపై తెలంగాణ హైకోర్టులో విచారణ
- కేసుల విచారణను వేగవంతం చేయాలంటూ ఈడీ, హరిరామజోగయ్య పిటిషన్లు
- న్యాయ ప్రక్రియ 15 ఏళ్లుగా సాగుతోందన్న ఈడీ
జగన్ అక్రమాస్తుల కేసుల విచారణను వేగవంతం చేయాలంటూ దాఖలైన పలు పిటిషన్లపై ఈరోజు తెలంగాణ హైకోర్టులో విచారణ జరిగింది. కేసుల ప్రస్తుత పరిస్థితిపై పూర్తి స్థాయి స్టేటస్ రిపోర్టును సమర్పించాలని తెలంగాణ హైకోర్టు ఆదేశించింది.
ఈ కేసుల విచారణ ప్రక్రియను త్వరితగతిన పూర్తి చేయాలని కోరుతూ ఎన్ఫోర్స్మెంట్ డైరెక్టరేట్ (ఈడీ)తో పాటు మాజీ ఎంపీ హరిరామజోగయ్య వేర్వేరుగా పిటిషన్లు దాఖలు చేశారు. విచారణ సందర్భంగా ఈడీ తరఫు న్యాయవాది వాదనలు వినిపిస్తూ... ఈ వ్యవహారంలో దర్యాప్తు, న్యాయ ప్రక్రియ దాదాపు 15 ఏళ్లుగా కొనసాగుతున్నట్టు పేర్కొన్నారు. సీబీఐ కోర్టు పరిధిలో ఉన్న వివిధ కేసుల్లో ఇప్పటివరకు దాదాపు 150కి పైగా డిశ్చార్జ్ పిటిషన్లు దాఖలయ్యాయని, దీనివల్ల విచారణలో జాప్యం జరుగుతోందని కోర్టు దృష్టికి తీసుకెళ్లారు. ఈ కేసులకు సంబంధించి సీబీఐ 11 ఛార్జిషీట్లు, ఈడీ 9 ప్రాసిక్యూషన్ ఫిర్యాదులు దాఖలు చేశాయి.
మరోవైపు, సుప్రీంకోర్టు గతంలో ఇచ్చిన మార్గదర్శకాల ప్రకారం ఈ కేసులపై రోజువారీ విచారణ చేపట్టాలని హరిరామజోగయ్య తరఫు న్యాయవాది కోర్టుకు విన్నవించారు. వాదనలు విన్న తెలంగాణ హైకోర్టు... జగన్ కేసుల ప్రస్తుత స్థితిగతులపై సమగ్ర వివరాలతో స్టేటస్ రిపోర్టు అందించాలని స్పష్టం చేసింది. తదుపరి విచారణను నవంబర్ 30కి వాయిదా వేసింది.
ఈ కేసుల విచారణ ప్రక్రియను త్వరితగతిన పూర్తి చేయాలని కోరుతూ ఎన్ఫోర్స్మెంట్ డైరెక్టరేట్ (ఈడీ)తో పాటు మాజీ ఎంపీ హరిరామజోగయ్య వేర్వేరుగా పిటిషన్లు దాఖలు చేశారు. విచారణ సందర్భంగా ఈడీ తరఫు న్యాయవాది వాదనలు వినిపిస్తూ... ఈ వ్యవహారంలో దర్యాప్తు, న్యాయ ప్రక్రియ దాదాపు 15 ఏళ్లుగా కొనసాగుతున్నట్టు పేర్కొన్నారు. సీబీఐ కోర్టు పరిధిలో ఉన్న వివిధ కేసుల్లో ఇప్పటివరకు దాదాపు 150కి పైగా డిశ్చార్జ్ పిటిషన్లు దాఖలయ్యాయని, దీనివల్ల విచారణలో జాప్యం జరుగుతోందని కోర్టు దృష్టికి తీసుకెళ్లారు. ఈ కేసులకు సంబంధించి సీబీఐ 11 ఛార్జిషీట్లు, ఈడీ 9 ప్రాసిక్యూషన్ ఫిర్యాదులు దాఖలు చేశాయి.
మరోవైపు, సుప్రీంకోర్టు గతంలో ఇచ్చిన మార్గదర్శకాల ప్రకారం ఈ కేసులపై రోజువారీ విచారణ చేపట్టాలని హరిరామజోగయ్య తరఫు న్యాయవాది కోర్టుకు విన్నవించారు. వాదనలు విన్న తెలంగాణ హైకోర్టు... జగన్ కేసుల ప్రస్తుత స్థితిగతులపై సమగ్ర వివరాలతో స్టేటస్ రిపోర్టు అందించాలని స్పష్టం చేసింది. తదుపరి విచారణను నవంబర్ 30కి వాయిదా వేసింది.
Advertisement