- అంతర్జాతీయ ఎమ్మీ అవార్డుల ప్రజెంటర్‌గా విజయ్ సేతుపతి
- ఈ ఘనత అందుకున్న తొలి భారతీయ నటుడిగా గుర్తింపు
- హాలీవుడ్‌లో రీమేక్ కానున్న బ్లాక్‌బస్టర్ చిత్రం 'మహారాజ'
- చైనాలో భారీ విజయం సాధించడంతో పెరిగిన అంతర్జాతీయ ఆసక్తి
- మణిరత్నం దర్శకత్వంలో సాయి పల్లవితో కొత్త సినిమా
ప్రముఖ తమిళ నటుడు, 'మక్కల్ సెల్వన్' విజయ్ సేతుపతి తన కెరీర్‌లో మరో అరుదైన మైలురాయిని చేరుకున్నారు. న్యూయార్క్‌లో నవంబర్ 23న జరగనున్న 54వ అంతర్జాతీయ ఎమ్మీ అవార్డుల వేడుకలో ఆయన ప్రజెంటర్‌గా వ్యవహరించనున్నారు. ఈ ప్రతిష్ఠాత్మక వేదికపై అవార్డును ప్రదానం చేయనున్న తొలి భారతీయ నటుడిగా విజయ్ సేతుపతి చరిత్ర సృష్టించబోతున్నారు. భారతీయ నటులు అంతర్జాతీయ వేదికలపై సత్తా చాటుతున్న తరుణంలో ఈ గౌరవం దక్కడం గర్వకారణం.
గతంలో 2016లో నటి ప్రియాంక చోప్రా ప్రైమ్‌టైమ్ ఎమ్మీ అవార్డుల వేదికపై ప్రజెంటర్‌గా మెరిశారు. అయితే, ఇంటర్నేషనల్ ఎమ్మీ అవార్డుల వేదికపై ఈ గౌరవం దక్కించుకున్న తొలి భారతీయ నటుడు విజయ్ సేతుపతే. భారతీయ ప్రతిభను ప్రపంచానికి పరిచయం చేయడంలో ఇంటర్నేషనల్ అకాడమీ ఆఫ్ టెలివిజన్ ఆర్ట్స్ & సైన్సెస్ బోర్డు సభ్యురాలు, నిర్మాత కవితా గుప్తా కీలక పాత్ర పోషిస్తున్నారు. 2024లో కమెడియన్ వీర్ దాస్‌ను హోస్ట్‌గా పరిచయం చేసింది కూడా ఆమే కావడం విశేషం.
ఇదిలా ఉండగా.. విజయ్ సేతుపతి కెరీర్ మరో కీలక మలుపు తీసుకుంది. ఆయన నటించిన బ్లాక్‌బస్టర్ థ్రిల్లర్ 'మహారాజ' (2024) చిత్రం ఇప్పుడు హాలీవుడ్‌లో రీమేక్ కానుంది. చైనాలో ఈ సినిమా బాక్సాఫీస్ వద్ద (దాదాపు రూ. 91.65 కోట్లు) భారీ విజయం సాధించి, ఓటీటీలోనూ మంచి ఆదరణ పొందింది.
ఈ విజయం తర్వాత ఓ ప్రముఖ హాలీవుడ్ ఏజెన్సీ రీమేక్ హక్కుల కోసం తమను సంప్రదించిందని నిర్మాత సుధన్ సుందరం తెలిపారు. ఈ విషయాన్ని ఆయన 'ది టైమ్స్ ఆఫ్ ఇండియా'కు ఇచ్చిన ఇంటర్వ్యూలో ధ్రువీకరించారు. "ప్రస్తుతం ఈ ప్రాజెక్ట్‌ను ఓ ఏ-లిస్ట్ స్టార్‌తో సెట్ చేసే ప్రయత్నాల్లో ఉన్నారు. వచ్చే ఏడాది ఈ సినిమా సెట్స్‌పైకి వెళ్లే అవకాశం ఉంది" అని ఆయన వివరించారు.
సోషల్ మీడియాలో ఈ రీమేక్‌లో హాలీవుడ్ స్టార్ మాథ్యూ మెకనౌఘే నటించవచ్చని ఊహాగానాలు రాగా, దీనిపై సుధన్ స్పందిస్తూ.. ఏజెన్సీనే నటీనటుల వివరాలను అధికారికంగా ప్రకటిస్తుందని స్పష్టం చేశారు. ప్రస్తుతం విజయ్ సేతుపతి, ప్రముఖ దర్శకుడు మణిరత్నం తెరకెక్కిస్తున్న 'ఇంజి వెల్లం' అనే రొమాంటిక్ డ్రామాలో సాయి పల్లవితో కలిసి నటిస్తున్నారు.
గతంలో 2016లో నటి ప్రియాంక చోప్రా ప్రైమ్‌టైమ్ ఎమ్మీ అవార్డుల వేదికపై ప్రజెంటర్‌గా మెరిశారు. అయితే, ఇంటర్నేషనల్ ఎమ్మీ అవార్డుల వేదికపై ఈ గౌరవం దక్కించుకున్న తొలి భారతీయ నటుడు విజయ్ సేతుపతే. భారతీయ ప్రతిభను ప్రపంచానికి పరిచయం చేయడంలో ఇంటర్నేషనల్ అకాడమీ ఆఫ్ టెలివిజన్ ఆర్ట్స్ & సైన్సెస్ బోర్డు సభ్యురాలు, నిర్మాత కవితా గుప్తా కీలక పాత్ర పోషిస్తున్నారు. 2024లో కమెడియన్ వీర్ దాస్‌ను హోస్ట్‌గా పరిచయం చేసింది కూడా ఆమే కావడం విశేషం.
ఇదిలా ఉండగా.. విజయ్ సేతుపతి కెరీర్ మరో కీలక మలుపు తీసుకుంది. ఆయన నటించిన బ్లాక్‌బస్టర్ థ్రిల్లర్ 'మహారాజ' (2024) చిత్రం ఇప్పుడు హాలీవుడ్‌లో రీమేక్ కానుంది. చైనాలో ఈ సినిమా బాక్సాఫీస్ వద్ద (దాదాపు రూ. 91.65 కోట్లు) భారీ విజయం సాధించి, ఓటీటీలోనూ మంచి ఆదరణ పొందింది.
ఈ విజయం తర్వాత ఓ ప్రముఖ హాలీవుడ్ ఏజెన్సీ రీమేక్ హక్కుల కోసం తమను సంప్రదించిందని నిర్మాత సుధన్ సుందరం తెలిపారు. ఈ విషయాన్ని ఆయన 'ది టైమ్స్ ఆఫ్ ఇండియా'కు ఇచ్చిన ఇంటర్వ్యూలో ధ్రువీకరించారు. "ప్రస్తుతం ఈ ప్రాజెక్ట్‌ను ఓ ఏ-లిస్ట్ స్టార్‌తో సెట్ చేసే ప్రయత్నాల్లో ఉన్నారు. వచ్చే ఏడాది ఈ సినిమా సెట్స్‌పైకి వెళ్లే అవకాశం ఉంది" అని ఆయన వివరించారు.
సోషల్ మీడియాలో ఈ రీమేక్‌లో హాలీవుడ్ స్టార్ మాథ్యూ మెకనౌఘే నటించవచ్చని ఊహాగానాలు రాగా, దీనిపై సుధన్ స్పందిస్తూ.. ఏజెన్సీనే నటీనటుల వివరాలను అధికారికంగా ప్రకటిస్తుందని స్పష్టం చేశారు. ప్రస్తుతం విజయ్ సేతుపతి, ప్రముఖ దర్శకుడు మణిరత్నం తెరకెక్కిస్తున్న 'ఇంజి వెల్లం' అనే రొమాంటిక్ డ్రామాలో సాయి పల్లవితో కలిసి నటిస్తున్నారు.
