ఢిల్లీ మెట్రోలో తాతయ్య గొంతు.. ఆశ్చర్యపోయిన మనవడు!
- ఢిల్లీ మెట్రో వాయిస్ షమ్మీ నారంగ్ తన మనవడితో ప్రయాణం
- రైలులో తన తాత గొంతు విని ఆశ్చర్యపోయిన చిన్నారి
- ఈ మధుర క్షణాలను వీడియో తీసి సోషల్ మీడియాలో పోస్ట్
- నా గొంతు తరతరాలకు ప్రయాణిస్తుందంటూ నారంగ్ భావోద్వేగం
- నెటిజన్ల నుంచి వీడియోకు విశేష స్పందన
ఢిల్లీ మెట్రో ప్రయాణికులకు దశాబ్దాలుగా ఒక సుపరిచితం స్వరం వినిపిస్తూనే ఉంది. అది ప్రముఖ వాయిస్ ఓవర్ ఆర్టిస్ట్ షమ్మీ నారంగ్ స్వరం. తాజాగా ఆయన తన మనవడు రుషాన్‌ను మొదటిసారి ఢిల్లీ మెట్రోలో తీసుకెళ్లారు. ఈ ప్రయాణంలో చోటుచేసుకున్న ఒక మధుర క్షణానికి సంబంధించిన వీడియోను ఆయన సామాజిక మాధ్యమాల్లో పంచుకోగా, అది ప్రస్తుతం నెట్టింట వైరల్‌గా మారింది.
షమ్మీ నారంగ్ తన కుటుంబ సభ్యులతో కలిసి ఎల్లో లైన్ మెట్రోలో ప్రయాణిస్తున్న సమయంలో ఈ వీడియోను చిత్రీకరించారు. మెట్రో రైలును, ప్లాట్‌ఫామ్‌లను రుషాన్ ఎంతో ఆసక్తిగా గమనిస్తుండగా, అదే సమయంలో షమ్మీ నారంగ్ స్వరంతో కూడిన మెట్రో ప్రకటన (అనౌన్స్‌మెంట్) వినిపించింది. నిత్యం ఇంట్లో వినే ఆ సుపరిచిత స్వరం బయట వినిపించడంతో ఆ చిన్నారి ఆశ్చర్యానికి గురయ్యాడు. అది తన తాతయ్య గొంతేనని తల్లిదండ్రులు చెబుతుండగా, ఆ చిన్నారి ముఖంలో వికసించిన ఆనందం వీడియోలో స్పష్టంగా కనిపిస్తోంది. చివరకు అది తన తాతయ్య గొంతేనని గ్రహించిన రుషాన్ ఎంతో సంబరపడిపోయాడు.
ఈ వీడియోను 'ఎక్స్' వేదికగా పంచుకుంటూ షమ్మీ నారంగ్ ఒక భావోద్వేగపూరిత సందేశాన్ని జోడించారు. "నేను ఈ మెట్రో రైళ్లలో ఎల్లకాలం ప్రయాణించకపోవచ్చు. కానీ నా స్వరం ఒక తరం నుంచి మరో తరానికి, నా నుంచి నా మనవడికి, బహుశా అతని మనవళ్లకు కూడా చేరుతుందనే విషయాన్ని తలుచుకుంటే గర్వంగా ఉంది" అని ఆయన పేర్కొన్నారు. ఇప్పటికే ఈ వీడియోకు 60 వేలకు పైగా వ్యూస్ రాగా, తాతా మనవళ్ల మధ్య ఉన్న అనుబంధాన్ని చూసి నెటిజన్లు ఫిదా అవుతున్నారు. తరాలను అనుసంధానించే అద్భుతమైన క్షణం ఇదంటూ నెటిజన్లు ప్రశంసల జల్లు కురిపిస్తున్నారు.
షమ్మీ నారంగ్ తన కుటుంబ సభ్యులతో కలిసి ఎల్లో లైన్ మెట్రోలో ప్రయాణిస్తున్న సమయంలో ఈ వీడియోను చిత్రీకరించారు. మెట్రో రైలును, ప్లాట్‌ఫామ్‌లను రుషాన్ ఎంతో ఆసక్తిగా గమనిస్తుండగా, అదే సమయంలో షమ్మీ నారంగ్ స్వరంతో కూడిన మెట్రో ప్రకటన (అనౌన్స్‌మెంట్) వినిపించింది. నిత్యం ఇంట్లో వినే ఆ సుపరిచిత స్వరం బయట వినిపించడంతో ఆ చిన్నారి ఆశ్చర్యానికి గురయ్యాడు. అది తన తాతయ్య గొంతేనని తల్లిదండ్రులు చెబుతుండగా, ఆ చిన్నారి ముఖంలో వికసించిన ఆనందం వీడియోలో స్పష్టంగా కనిపిస్తోంది. చివరకు అది తన తాతయ్య గొంతేనని గ్రహించిన రుషాన్ ఎంతో సంబరపడిపోయాడు.
ఈ వీడియోను 'ఎక్స్' వేదికగా పంచుకుంటూ షమ్మీ నారంగ్ ఒక భావోద్వేగపూరిత సందేశాన్ని జోడించారు. "నేను ఈ మెట్రో రైళ్లలో ఎల్లకాలం ప్రయాణించకపోవచ్చు. కానీ నా స్వరం ఒక తరం నుంచి మరో తరానికి, నా నుంచి నా మనవడికి, బహుశా అతని మనవళ్లకు కూడా చేరుతుందనే విషయాన్ని తలుచుకుంటే గర్వంగా ఉంది" అని ఆయన పేర్కొన్నారు. ఇప్పటికే ఈ వీడియోకు 60 వేలకు పైగా వ్యూస్ రాగా, తాతా మనవళ్ల మధ్య ఉన్న అనుబంధాన్ని చూసి నెటిజన్లు ఫిదా అవుతున్నారు. తరాలను అనుసంధానించే అద్భుతమైన క్షణం ఇదంటూ నెటిజన్లు ప్రశంసల జల్లు కురిపిస్తున్నారు.
