అమెరికా వర్సిటీకి గుంటూరు దంపతుల రూ.10 కోట్ల భారీ విరాళం
- యూసీఎస్‌ఎఫ్‌కు అంబటి దంపతుల భారీ సాయం
- ప్రతిభావంతులైన విద్యార్థులకు ఉపకార వేతకాలు
- వైద్య పరిశోధనలకు విరాళం వినియోగం
- 1986 నుంచి యూసీఎస్‌ఎఫ్‌లో శ్రీమన్నారాయణ సేవలు
- భారత్‌, అమెరికాకు సేవ చేయడమే లక్ష్యమన్న దాత
అమెరికాలో స్థిరపడిన గుంటూరుకు చెందిన దంపతులు ఉదారత చాటుకున్నారు. యూనివర్సిటీ ఆఫ్‌ కాలిఫోర్నియా, శాన్‌ఫ్రాన్సిస్కో (యూసీఎస్‌ఎఫ్‌)కు ఏకంగా రూ.10 కోట్ల (10 లక్షల డాలర్లు) విరాళం అందించారు. డాక్టర్‌ అంబటి శ్రీమన్నారాయణ, రమ దంపతులు ఇచ్చిన ఈ మొత్తాన్ని పెట్టుబడిగా ఉంచి, దానిపై వచ్చే ఆదాయాన్ని ప్రతిభావంతులైన విద్యార్థులకు ఉపకార వేతనాలుగా అందించనున్నారు.
కాలిఫోర్నియాలోని ఫ్రెజ్నో పట్టణంలో నిర్వహించిన కార్యక్రమంలో అంబటి దంపతులు ఈ విరాళాన్ని అందజేశారు. ఈ సందర్భంగా వర్సిటీ డీన్‌ జోస్‌ ఎం.బారల్‌ సాంచేజ్‌ మాట్లాడుతూ.. ఈ విరాళం గ్రామీణ వైద్యం, అల్ట్రాసౌండ్‌ సాంకేతికత, కుటుంబ వైద్యం వంటి రంగాల్లో పరిశోధనలకు ఎంతగానో ఉపయోగపడుతుందని తెలిపారు. వైద్య రంగంలో కొత్త ఆవిష్కరణలకు ఇది తోడ్పాటునందిస్తుందని పేర్కొన్నారు.
ప్రతిభ ఉన్న విద్యార్థులకు ఆర్థికంగా అండగా నిలవడంతో పాటు, వైద్య పరిశోధనలకు ప్రోత్సాహం అందించాలనే ఉద్దేశంతో ఈ విరాళం ఇచ్చినట్లు శ్రీమన్నారాయణ తెలిపారు. మాతృభూమి భారతదేశంతో పాటు, తాను స్థిరపడిన అమెరికాకు కూడా తన వంతుగా సేవ చేయాలనుకుంటున్నట్లు చెప్పారు. 1986 నుంచి ఆయన యూసీఎస్‌ఎఫ్‌లో యూరాలజీ క్లినికల్‌ ప్రొఫెసర్‌గా పనిచేస్తున్నారు. దాదాపు నాలుగు దశాబ్దాలుగా అదే వర్సిటీలో సేవలందిస్తున్న ఆయన, ఇప్పుడు భారీ విరాళంతో విద్యార్థుల భవిష్యత్తుకు బాటలు వేస్తున్నారు.
కాలిఫోర్నియాలోని ఫ్రెజ్నో పట్టణంలో నిర్వహించిన కార్యక్రమంలో అంబటి దంపతులు ఈ విరాళాన్ని అందజేశారు. ఈ సందర్భంగా వర్సిటీ డీన్‌ జోస్‌ ఎం.బారల్‌ సాంచేజ్‌ మాట్లాడుతూ.. ఈ విరాళం గ్రామీణ వైద్యం, అల్ట్రాసౌండ్‌ సాంకేతికత, కుటుంబ వైద్యం వంటి రంగాల్లో పరిశోధనలకు ఎంతగానో ఉపయోగపడుతుందని తెలిపారు. వైద్య రంగంలో కొత్త ఆవిష్కరణలకు ఇది తోడ్పాటునందిస్తుందని పేర్కొన్నారు.
ప్రతిభ ఉన్న విద్యార్థులకు ఆర్థికంగా అండగా నిలవడంతో పాటు, వైద్య పరిశోధనలకు ప్రోత్సాహం అందించాలనే ఉద్దేశంతో ఈ విరాళం ఇచ్చినట్లు శ్రీమన్నారాయణ తెలిపారు. మాతృభూమి భారతదేశంతో పాటు, తాను స్థిరపడిన అమెరికాకు కూడా తన వంతుగా సేవ చేయాలనుకుంటున్నట్లు చెప్పారు. 1986 నుంచి ఆయన యూసీఎస్‌ఎఫ్‌లో యూరాలజీ క్లినికల్‌ ప్రొఫెసర్‌గా పనిచేస్తున్నారు. దాదాపు నాలుగు దశాబ్దాలుగా అదే వర్సిటీలో సేవలందిస్తున్న ఆయన, ఇప్పుడు భారీ విరాళంతో విద్యార్థుల భవిష్యత్తుకు బాటలు వేస్తున్నారు.
