ఫ్లైదుబాయ్ ఘటన.. కొడుకు సాహసంపై స్మిత్ మచ్చర్ తండ్రి స్పందన
- సంఘటన తెలియగానే షాక్‌కు గురై దేవుడికి మొక్కుకున్నామని వెల్లడి
- అబుదాబి ఆసుపత్రిలో స్మిత్‌కు సర్జరీ జరిగిందని, కోలుకుంటున్నాడని వెల్లడి
- యువత నిజాయతీగా ఉండాలని, తల్లిదండ్రులను గౌరవించాలని హితవు
ఫ్లైదుబాయ్ విమానంలో సహ-పైలట్ జరిపిన దాడిని ధైర్యంగా ఎదుర్కొని, 174 మంది ప్రయాణికుల ప్రాణాలను కాపాడిన భారతీయ పైలట్ కెప్టెన్ స్మిత్ మచ్ఛర్ సాహసంపై ఆయన తండ్రి భూపేంద్ర మచ్ఛర్ స్పందించారు. విమానం నడపడమంటే తన కుమారుడికి అత్యంత ప్రీతిపాత్రమని, అదే అతని ప్రపంచమని ఆయన పేర్కొన్నారు. ఎన్డీటీవీకి ఇచ్చిన ప్రత్యేక ఇంటర్వ్యూలో ఆయన పలు ఆసక్తికర విషయాలను పంచుకున్నారు.
ఈ ఘటన గురించి తెలిసిన వెంటనే తమ కుటుంబం తీవ్ర దిగ్భ్రాంతికి, ఆందోళనకు గురైందని భూపేంద్ర తెలిపారు. "తల్లిదండ్రులుగా ఆ వార్త వినగానే మేము ఎంతగానో కలత చెందాం. వెంటనే ఇంట్లో దేవుడి ముందు దీపం వెలిగించి, ఎలాంటి అశుభవార్త వినకూడదని ప్రార్థించాం. ఆందోళనతో గుడికి కూడా వెళ్లాం" అని ఆయన ఆనాటి క్షణాలను గుర్తుచేసుకున్నారు.
ప్రస్తుతం స్మిత్ అబుదాబిలోని ఒక ఆసుపత్రిలో చికిత్స పొందుతున్నారని ఆయన వెల్లడించారు. ఈ దాడిలో స్మిత్ తల, రెండు చేతులకు తీవ్ర గాయాలయ్యాయని, వైద్యులు ఇప్పటికే శస్త్రచికిత్స చేశారని తెలిపారు. అతను పూర్తిస్థాయిలో కోలుకోవడానికి కొంత సమయం పడుతుందని వైద్యులు వెల్లడించినట్లు పేర్కొన్నారు. తీవ్ర గాయాలతో కాక్‌పిట్ లో కింద పడిపోయినప్పటికీ, ప్రయాణికుల ప్రాణాలను కాపాడాలనే దృఢ సంకల్పంతోనే స్మిత్ కాక్‌పిట్ తలుపులు తెరిచాడని, తద్వారా విమాన సిబ్బంది, ప్రయాణికులు లోపలికి ప్రవేశించి దాడి చేసిన వ్యక్తిని నిలువరించగలిగారని ఆయన వివరించారు.
"దేశం నా కుమారుడిని చూసి గర్విస్తున్నప్పటికీ, ప్రస్తుతం మాకు తన ఆరోగ్యమే అత్యంత ముఖ్యం" అని భూపేంద్ర వ్యాఖ్యానించారు. ఈ సందర్భంగా ఆయన యువతకు సందేశమిస్తూ, తల్లిదండ్రులను గౌరవించాలని, నిజాయతీగా జీవించాలని, ఎప్పుడూ సత్యం, ధర్మమే విజయం సాధిస్తాయని హితవు పలికారు.
ఈ ఘటన గురించి తెలిసిన వెంటనే తమ కుటుంబం తీవ్ర దిగ్భ్రాంతికి, ఆందోళనకు గురైందని భూపేంద్ర తెలిపారు. "తల్లిదండ్రులుగా ఆ వార్త వినగానే మేము ఎంతగానో కలత చెందాం. వెంటనే ఇంట్లో దేవుడి ముందు దీపం వెలిగించి, ఎలాంటి అశుభవార్త వినకూడదని ప్రార్థించాం. ఆందోళనతో గుడికి కూడా వెళ్లాం" అని ఆయన ఆనాటి క్షణాలను గుర్తుచేసుకున్నారు.
ప్రస్తుతం స్మిత్ అబుదాబిలోని ఒక ఆసుపత్రిలో చికిత్స పొందుతున్నారని ఆయన వెల్లడించారు. ఈ దాడిలో స్మిత్ తల, రెండు చేతులకు తీవ్ర గాయాలయ్యాయని, వైద్యులు ఇప్పటికే శస్త్రచికిత్స చేశారని తెలిపారు. అతను పూర్తిస్థాయిలో కోలుకోవడానికి కొంత సమయం పడుతుందని వైద్యులు వెల్లడించినట్లు పేర్కొన్నారు. తీవ్ర గాయాలతో కాక్‌పిట్ లో కింద పడిపోయినప్పటికీ, ప్రయాణికుల ప్రాణాలను కాపాడాలనే దృఢ సంకల్పంతోనే స్మిత్ కాక్‌పిట్ తలుపులు తెరిచాడని, తద్వారా విమాన సిబ్బంది, ప్రయాణికులు లోపలికి ప్రవేశించి దాడి చేసిన వ్యక్తిని నిలువరించగలిగారని ఆయన వివరించారు.
"దేశం నా కుమారుడిని చూసి గర్విస్తున్నప్పటికీ, ప్రస్తుతం మాకు తన ఆరోగ్యమే అత్యంత ముఖ్యం" అని భూపేంద్ర వ్యాఖ్యానించారు. ఈ సందర్భంగా ఆయన యువతకు సందేశమిస్తూ, తల్లిదండ్రులను గౌరవించాలని, నిజాయతీగా జీవించాలని, ఎప్పుడూ సత్యం, ధర్మమే విజయం సాధిస్తాయని హితవు పలికారు.
