ఆన్లైన్లో నకిలీల వల.. ఫేక్ ప్రొడక్ట్స్తో జర భద్రం.. ఈ 3 జాగ్రత్తలతో బయటపడండి!
- పండగ సీజన్లో ఆన్లైన్ షాపింగ్లో నకిలీ వస్తువుల ముప్పు
- అమ్మకందారుడి వివరాలు, అధికారిక వెబ్సైట్తో ఉత్పత్తిని సరిచూసుకోవాలి
- ప్యాకేజింగ్పై ఉన్న ప్రత్యేకమైన క్యూఆర్ కోడ్ను స్కాన్ చేసి ధ్రువీకరించుకోవాలి
- వస్తువు అందుకున్నాక డిజిటల్ వారంటీని తప్పక యాక్టివేట్ చేసుకోవాలి
- పదిలో తొమ్మిది మంది నకిలీ వస్తువు కొన్నట్లు సర్వేలో వెల్లడి
పండగల సీజన్ వచ్చిందంటే చాలు, ఇళ్లలో సందడితో పాటు ఆన్లైన్ షాపింగ్ జోరు కూడా పెరుగుతుంది. బంధుమిత్రులకు బహుమతులు ఇవ్వడానికి, ఇంటికి కొత్త వస్తువులు కొనడానికి ఆన్లైన్ వేదికలపైనే ఎక్కువ మంది ఆధారపడుతున్నారు. అయితే, ఈ అవకాశాన్ని ఆసరాగా చేసుకుని కొందరు మోసగాళ్లు నకిలీ (ఫేక్) వస్తువులను మార్కెట్లో పెడుతున్నారు.
అద్భుతమైన ఆఫర్లు, భారీ డిస్కౌంట్ల పేరుతో వినియోగదారులను ఆకర్షించి నాసిరకం ఉత్పత్తులను అంటగడుతున్నారు. ‘అథెంటికేషన్ సొల్యూషన్ ప్రొవైడర్స్ అసోసియేషన్’ 2026లో విడుదల చేసిన నివేదిక ప్రకారం పట్టణ ప్రాంతాల్లో పది మంది వినియోగదారులలో తొమ్మిది మంది తమ జీవితంలో కనీసం ఒక్కసారైనా నకిలీ వస్తువును కొనుగోలు చేసినట్లు అంగీకరించారంటే పరిస్థితి తీవ్రతను అర్థం చేసుకోవచ్చు.
ఈ నేపథ్యంలో ఆన్లైన్లో షాపింగ్ చేసేటప్పుడు వినియోగదారులు అప్రమత్తంగా ఉండాలని, కొన్ని సాధారణ తనిఖీలతో నకిలీల బారిన పడకుండా తమను తాము కాపాడుకోవచ్చని నిపుణులు సూచిస్తున్నారు. 'జెనిఫైడ్' సంస్థ వ్యవస్థాపకుడు, సీఈఓ ఆయుష్ జవార్.. వస్తువును కొనే ముందు, కొన్న తర్వాత పాటించాల్సిన మూడు కీలకమైన సూచనలను వివరించారు.
1. డీల్ కంటే ముందు అమ్మకందారుడిని గమనించండి
ఒక వస్తువుపై నమ్మలేనంత ఆఫర్ లేదా డిస్కౌంట్ కనిపిస్తే, అక్కడే అనుమానించాలి. ఆ డీల్ వెనుక ఏదైనా మోసం ఉండే అవకాశం ఉంది. అందుకే, ముందుగా ఆ వస్తువును అమ్ముతున్నది ఎవరు (సెల్లర్) అని పరిశీలించాలి. వారు ఆ బ్రాండ్కు చెందిన అధీకృత విక్రేత అవునో కాదో నిర్ధారించుకోవాలి.
అలాగే, ఆన్లైన్ సైట్లో పేర్కొన్న ఉత్పత్తి స్పెసిఫికేషన్లు, ప్యాకేజింగ్, లోగో వంటి వివరాలను.. సంబంధిత బ్రాండ్ అధికారిక వెబ్సైట్లో ఉన్న సమాచారంతో పోల్చి చూసుకోవాలి. తేడాలు కనిపిస్తే అది నకిలీదని భావించాలి. ఈ రోజుల్లో చాలా కంపెనీలు తమ ఉత్పత్తులకు ప్రత్యేకమైన క్యూఆర్ కోడ్లు, సీరియల్ నంబర్లతో కూడిన డిజిటల్ గుర్తింపును ఇస్తున్నాయి. దీని ద్వారా ఆ వస్తువు ఎక్కడ తయారైంది, ఎక్కడి నుంచి వస్తుందో సులభంగా ట్రేస్ చేయవచ్చు.
2. క్యూఆర్ కోడ్ను స్కాన్ చేయడం మరువద్దు
రెండో ముఖ్యమైన తనిఖీ, ఉత్పత్తి ప్యాకేజింగ్పై ఉన్న క్యూఆర్ కోడ్ను స్కాన్ చేయడం. చాలా బ్రాండ్లు ఇప్పుడు ట్యాంపర్ ప్రూఫ్ క్యూఆర్ కోడ్ టెక్నాలజీని వాడుతున్నాయి. వినియోగదారుడు తన స్మార్ట్ఫోన్తో ఈ కోడ్ను స్కాన్ చేయగానే, ఆ వస్తువు అసలుదా, నకిలీదా అనే విషయం తెలిసిపోతుంది.
డైనమిక్ క్యూఆర్ అథెంటికేషన్, జియో-ఫెన్సింగ్ వంటి అధునాతన టెక్నాలజీల ద్వారా.. ఎవరైనా అనధికారికంగా తమ ఉత్పత్తులను అమ్మినా లేదా నకిలీలను సృష్టించినా బ్రాండ్లు సులభంగా పసిగట్టగలుగుతున్నాయి. కాబట్టి, వస్తువును స్వీకరించిన వెంటనే ఈ చిన్న పని చేయడం వల్ల మోసపోయే ప్రమాదం తగ్గుతుంది.
3. డిజిటల్ వారంటీని యాక్టివేట్ చేసుకోండి
వస్తువు చేతికి అందిన తర్వాత చాలామంది చేసే పొరపాటు వారంటీని రిజిస్టర్ చేసుకోకపోవడం. నిజానికి, ఇది కేవలం సర్వీస్ కోసం మాత్రమే కాదు, ఉత్పత్తి అసలుదనాన్ని నిర్ధారించే మరో ముఖ్యమైన అస్త్రం. అసలైన ఉత్పత్తులకు మాత్రమే కంపెనీలు వారంటీని అందిస్తాయి.
మీరు వస్తువును అందుకున్నాక, అధికారిక ఛానెల్ ద్వారా డిజిటల్ వారంటీని యాక్టివేట్ చేసుకుంటే, ఆ ఉత్పత్తి రికార్డు కంపెనీ వద్ద నమోదవుతుంది. ఒకవేళ అది నకిలీ ఉత్పత్తి అయితే, వారంటీ రిజిస్ట్రేషన్ విఫలమవుతుంది. దీనివల్ల ఉత్పత్తికి మెరుగైన రక్షణ, వినియోగదారుడికి భరోసా లభిస్తుంది.
పండగ ఆఫర్ల ఉత్సాహంలో డబ్బు పోగొట్టుకోకుండా ఉండాలంటే, ఈ చిన్నపాటి డిజిటల్ తనిఖీలను అలవాటు చేసుకోవడం ఉత్తమం. ఈ జాగ్రత్తలు పాటిస్తే ఆన్లైన్ షాపింగ్ను సురక్షితంగా, ఆనందంగా పూర్తి చేయవచ్చు.
అద్భుతమైన ఆఫర్లు, భారీ డిస్కౌంట్ల పేరుతో వినియోగదారులను ఆకర్షించి నాసిరకం ఉత్పత్తులను అంటగడుతున్నారు. ‘అథెంటికేషన్ సొల్యూషన్ ప్రొవైడర్స్ అసోసియేషన్’ 2026లో విడుదల చేసిన నివేదిక ప్రకారం పట్టణ ప్రాంతాల్లో పది మంది వినియోగదారులలో తొమ్మిది మంది తమ జీవితంలో కనీసం ఒక్కసారైనా నకిలీ వస్తువును కొనుగోలు చేసినట్లు అంగీకరించారంటే పరిస్థితి తీవ్రతను అర్థం చేసుకోవచ్చు.
ఈ నేపథ్యంలో ఆన్లైన్లో షాపింగ్ చేసేటప్పుడు వినియోగదారులు అప్రమత్తంగా ఉండాలని, కొన్ని సాధారణ తనిఖీలతో నకిలీల బారిన పడకుండా తమను తాము కాపాడుకోవచ్చని నిపుణులు సూచిస్తున్నారు. 'జెనిఫైడ్' సంస్థ వ్యవస్థాపకుడు, సీఈఓ ఆయుష్ జవార్.. వస్తువును కొనే ముందు, కొన్న తర్వాత పాటించాల్సిన మూడు కీలకమైన సూచనలను వివరించారు.
1. డీల్ కంటే ముందు అమ్మకందారుడిని గమనించండి
ఒక వస్తువుపై నమ్మలేనంత ఆఫర్ లేదా డిస్కౌంట్ కనిపిస్తే, అక్కడే అనుమానించాలి. ఆ డీల్ వెనుక ఏదైనా మోసం ఉండే అవకాశం ఉంది. అందుకే, ముందుగా ఆ వస్తువును అమ్ముతున్నది ఎవరు (సెల్లర్) అని పరిశీలించాలి. వారు ఆ బ్రాండ్కు చెందిన అధీకృత విక్రేత అవునో కాదో నిర్ధారించుకోవాలి.
అలాగే, ఆన్లైన్ సైట్లో పేర్కొన్న ఉత్పత్తి స్పెసిఫికేషన్లు, ప్యాకేజింగ్, లోగో వంటి వివరాలను.. సంబంధిత బ్రాండ్ అధికారిక వెబ్సైట్లో ఉన్న సమాచారంతో పోల్చి చూసుకోవాలి. తేడాలు కనిపిస్తే అది నకిలీదని భావించాలి. ఈ రోజుల్లో చాలా కంపెనీలు తమ ఉత్పత్తులకు ప్రత్యేకమైన క్యూఆర్ కోడ్లు, సీరియల్ నంబర్లతో కూడిన డిజిటల్ గుర్తింపును ఇస్తున్నాయి. దీని ద్వారా ఆ వస్తువు ఎక్కడ తయారైంది, ఎక్కడి నుంచి వస్తుందో సులభంగా ట్రేస్ చేయవచ్చు.
2. క్యూఆర్ కోడ్ను స్కాన్ చేయడం మరువద్దు
రెండో ముఖ్యమైన తనిఖీ, ఉత్పత్తి ప్యాకేజింగ్పై ఉన్న క్యూఆర్ కోడ్ను స్కాన్ చేయడం. చాలా బ్రాండ్లు ఇప్పుడు ట్యాంపర్ ప్రూఫ్ క్యూఆర్ కోడ్ టెక్నాలజీని వాడుతున్నాయి. వినియోగదారుడు తన స్మార్ట్ఫోన్తో ఈ కోడ్ను స్కాన్ చేయగానే, ఆ వస్తువు అసలుదా, నకిలీదా అనే విషయం తెలిసిపోతుంది.
డైనమిక్ క్యూఆర్ అథెంటికేషన్, జియో-ఫెన్సింగ్ వంటి అధునాతన టెక్నాలజీల ద్వారా.. ఎవరైనా అనధికారికంగా తమ ఉత్పత్తులను అమ్మినా లేదా నకిలీలను సృష్టించినా బ్రాండ్లు సులభంగా పసిగట్టగలుగుతున్నాయి. కాబట్టి, వస్తువును స్వీకరించిన వెంటనే ఈ చిన్న పని చేయడం వల్ల మోసపోయే ప్రమాదం తగ్గుతుంది.
3. డిజిటల్ వారంటీని యాక్టివేట్ చేసుకోండి
వస్తువు చేతికి అందిన తర్వాత చాలామంది చేసే పొరపాటు వారంటీని రిజిస్టర్ చేసుకోకపోవడం. నిజానికి, ఇది కేవలం సర్వీస్ కోసం మాత్రమే కాదు, ఉత్పత్తి అసలుదనాన్ని నిర్ధారించే మరో ముఖ్యమైన అస్త్రం. అసలైన ఉత్పత్తులకు మాత్రమే కంపెనీలు వారంటీని అందిస్తాయి.
మీరు వస్తువును అందుకున్నాక, అధికారిక ఛానెల్ ద్వారా డిజిటల్ వారంటీని యాక్టివేట్ చేసుకుంటే, ఆ ఉత్పత్తి రికార్డు కంపెనీ వద్ద నమోదవుతుంది. ఒకవేళ అది నకిలీ ఉత్పత్తి అయితే, వారంటీ రిజిస్ట్రేషన్ విఫలమవుతుంది. దీనివల్ల ఉత్పత్తికి మెరుగైన రక్షణ, వినియోగదారుడికి భరోసా లభిస్తుంది.
పండగ ఆఫర్ల ఉత్సాహంలో డబ్బు పోగొట్టుకోకుండా ఉండాలంటే, ఈ చిన్నపాటి డిజిటల్ తనిఖీలను అలవాటు చేసుకోవడం ఉత్తమం. ఈ జాగ్రత్తలు పాటిస్తే ఆన్లైన్ షాపింగ్ను సురక్షితంగా, ఆనందంగా పూర్తి చేయవచ్చు.
