కళింగపట్నం వద్ద తీరం దాటిన తీవ్ర వాయుగుండం.. ఏపీకి 48 గంటల హెచ్చరిక
- రానున్న 48 గంటల పాటు ఏపీలో భారీ నుంచి అతి భారీ వర్షాలు
- అల్లూరి సీతారామరాజు, ఏలూరు జిల్లాల్లో అత్యంత భారీ వర్షాలు కురిసే అవకాశం
- అప్రమత్తమైన ప్రభుత్వం.. లోతట్టు ప్రాంతాల ప్రజల తరలింపు
- ఉత్తరాంధ్రపై ప్రత్యేక దృష్టి సారించాలని అధికారుల డిప్యూటీ సీఎం పవన్ కల్యాణ్ ఆదేశం
బంగాళాఖాతంలో ఏర్పడిన తీవ్ర వాయుగుండం శ్రీకాకుళం జిల్లా కళింగపట్నం సమీపంలో తీరాన్ని దాటింది. బుధవారం అర్ధరాత్రి ప్రారంభమైన తీరం దాటే ప్రక్రియ, గురువారం ఉదయం వరకు కొనసాగింది. తీరాన్ని దాటినప్పటికీ, భూభాగంపై ఇది ఇప్పటికీ తీవ్ర వాయుగుండంగానే కొనసాగుతోందని వాతావరణ శాఖ వెల్లడించింది. వచ్చే 48 గంటల పాటు అతిభారీ వర్షాలు కురిసే అవకాశం ఉండటంతో ప్రజలు అప్రమత్తంగా ఉండాలని అధికారులు హెచ్చరికలు జారీ చేశారు. పలు జిల్లాల్లో భారీ నుంచి అతి భారీ వర్షాలు కురిసే అవకాశం ఉందని పేర్కొన్నారు.
వాతావరణ శాఖ అంచనాల ప్రకారం, గురువారం అల్లూరి సీతారామరాజు, ఏలూరు జిల్లాల్లో ఒకటి రెండు చోట్ల అత్యంత భారీ వర్షాలు కురిసే అవకాశం ఉంది. శ్రీకాకుళం, విజయనగరం, పార్వతీపురం మన్యం, విశాఖపట్నం, అనకాపల్లి, పోలవరం, కాకినాడ జిల్లాల్లో భారీ నుంచి అతి భారీ వర్షాలు కురిసే అవకాశం ఉందని అధికారులు తెలిపారు. కోనసీమ, తూర్పు గోదావరి, పశ్చిమ గోదావరి, కృష్ణా, ఎన్టీఆర్, గుంటూరు, బాపట్ల, పల్నాడు జిల్లాల్లో మోస్తరు వర్షాలు, ప్రకాశం, నెల్లూరు జిల్లాల్లో తేలికపాటి నుంచి మోస్తరు వర్షాలు నమోదవుతాయని అధికారులు తెలిపారు.
వాయుగుండం తీరం దాటే సమయంలో వీచిన ఈదురు గాలుల ధాటికి పలుచోట్ల విద్యుత్ స్తంభాలు, చెట్లు నేలకూలాయి. ముందుజాగ్రత్త చర్యగా లోతట్టు ప్రాంతాల ప్రజలను సురక్షిత ప్రాంతాల్లో ఏర్పాటు చేసిన పునరావాస కేంద్రాలకు అధికారులు తరలించారు.
ఈ నేపథ్యంలో ఉప ముఖ్యమంత్రి పవన్ కల్యాణ్ పంచాయతీరాజ్, గ్రామీణాభివృద్ధి శాఖ అధికారులను అప్రమత్తం చేశారు. ముఖ్యంగా ఉత్తరాంధ్రలో యంత్రాంగం పూర్తిస్థాయిలో సిద్ధంగా ఉండాలని ఆదేశించారు. దెబ్బతిన్న రోడ్లను యుద్ధ ప్రాతిపదికన పునరుద్ధరించాలని, పునరావాస కేంద్రాల్లో ఆహారం, మంచినీరు, మందులు అందుబాటులో ఉంచాలని సూచించారు. పశువులకు కూడా గ్రాసం, తాగునీటిని సిద్ధం చేయాలని అధికారులకు ప్రత్యేక ఆదేశాలు జారీ చేశారు.
వాతావరణ శాఖ అంచనాల ప్రకారం, గురువారం అల్లూరి సీతారామరాజు, ఏలూరు జిల్లాల్లో ఒకటి రెండు చోట్ల అత్యంత భారీ వర్షాలు కురిసే అవకాశం ఉంది. శ్రీకాకుళం, విజయనగరం, పార్వతీపురం మన్యం, విశాఖపట్నం, అనకాపల్లి, పోలవరం, కాకినాడ జిల్లాల్లో భారీ నుంచి అతి భారీ వర్షాలు కురిసే అవకాశం ఉందని అధికారులు తెలిపారు. కోనసీమ, తూర్పు గోదావరి, పశ్చిమ గోదావరి, కృష్ణా, ఎన్టీఆర్, గుంటూరు, బాపట్ల, పల్నాడు జిల్లాల్లో మోస్తరు వర్షాలు, ప్రకాశం, నెల్లూరు జిల్లాల్లో తేలికపాటి నుంచి మోస్తరు వర్షాలు నమోదవుతాయని అధికారులు తెలిపారు.
వాయుగుండం తీరం దాటే సమయంలో వీచిన ఈదురు గాలుల ధాటికి పలుచోట్ల విద్యుత్ స్తంభాలు, చెట్లు నేలకూలాయి. ముందుజాగ్రత్త చర్యగా లోతట్టు ప్రాంతాల ప్రజలను సురక్షిత ప్రాంతాల్లో ఏర్పాటు చేసిన పునరావాస కేంద్రాలకు అధికారులు తరలించారు.
ఈ నేపథ్యంలో ఉప ముఖ్యమంత్రి పవన్ కల్యాణ్ పంచాయతీరాజ్, గ్రామీణాభివృద్ధి శాఖ అధికారులను అప్రమత్తం చేశారు. ముఖ్యంగా ఉత్తరాంధ్రలో యంత్రాంగం పూర్తిస్థాయిలో సిద్ధంగా ఉండాలని ఆదేశించారు. దెబ్బతిన్న రోడ్లను యుద్ధ ప్రాతిపదికన పునరుద్ధరించాలని, పునరావాస కేంద్రాల్లో ఆహారం, మంచినీరు, మందులు అందుబాటులో ఉంచాలని సూచించారు. పశువులకు కూడా గ్రాసం, తాగునీటిని సిద్ధం చేయాలని అధికారులకు ప్రత్యేక ఆదేశాలు జారీ చేశారు.
