జడ్జీలకు దురుద్దేశాలా?.. న్యాయవాది జడ శ్రావణ్కుమార్పై హైకోర్టు ఫైర్
- కోర్టు విచారణ వీడియోలను సోషల్ మీడియాలో పోస్ట్ చేయడంపై హైకోర్టు ఆగ్రహం
- జడ శ్రావణ్కుమార్ తీరుపై ధర్మాసనం తీవ్ర అభ్యంతరం
- న్యాయమూర్తులను లక్ష్యంగా చేసుకోవడం సరికాదని సూచన
- క్షమాపణ చెప్పిన న్యాయవాది.. విచారణ ఈ నెల 30కి వాయిదా
కోర్టు విచారణ దృశ్యాలను రికార్డ్ చేసి సోషల్ మీడియాలో పోస్ట్ చేయడంపై న్యాయవాది జడ శ్రావణ్కుమార్పై ఆంధ్రప్రదేశ్ హైకోర్టు తీవ్ర ఆగ్రహం వ్యక్తం చేసింది. న్యాయమూర్తులకు దురుద్దేశాలను ఆపాదించడం సరికాదని, కోర్టులో హుందాగా ప్రవర్తించాలని హితవు పలికింది.
ప్రధాన న్యాయమూర్తి జస్టిస్ లీసా గిల్, జస్టిస్ చల్లా గుణ రంజన్లతో కూడిన ధర్మాసనం బుధవారం ఈ వ్యాఖ్యలు చేసింది. రహదారులపై విగ్రహాల ఏర్పాటును సవాలు చేస్తూ దాఖలైన ప్రజా ప్రయోజన వ్యాజ్యం (పిల్) విచారణ సందర్భంగా ఈ పరిణామం చోటుచేసుకుంది. ఈ కేసులో పిటిషనర్ తరఫున శ్రావణ్కుమార్ వాదనలు వినిపిస్తున్నారు.
న్యాయవాదుల ఫీజులకు సంబంధించి ఇప్పటికే స్పష్టమైన తీర్పులు ఉన్నాయని, వాటిని అధ్యయనం చేసి తమ ముందు ఉంచాలని ధర్మాసనం సూచించింది. అలాంటప్పుడు కోర్టుకు ఇతర ఉద్దేశాలను ఎలా ఆపాదిస్తారని ప్రశ్నించింది. దీనిపై శ్రావణ్కుమార్ స్పందిస్తూ.. విచారణకు తగిన సమయం కేటాయించడం లేదని, తీర్పు కాపీల కోసం సుదీర్ఘ కాలం వేచి చూడాల్సి వస్తోందని చెప్పడమే తన ఉద్దేశమని వివరణ ఇచ్చారు. ధర్మాసనంపై తాను ఎలాంటి తప్పుడు ఆరోపణలు చేయలేదని పేర్కొంటూ క్షమాపణలు కోరారు.
అనంతరం ఈ పిల్ విచారణను ధర్మాసనం సెప్టెంబర్ 30కి వాయిదా వేసింది. నిబంధనలకు విరుద్ధంగా సుప్రీంకోర్టు సీనియర్ న్యాయవాది సిద్ధార్థ్ లూథ్రాకు భారీ మొత్తంలో ఫీజులు చెల్లించారని ఆరోపిస్తూ ఇటీవల ఒక పిల్ దాఖలైంది. ఆ విచారణ అనంతరం శ్రావణ్కుమార్ తన అభిప్రాయాలను వ్యక్తపరుస్తూ ఒక వీడియోను విడుదల చేసిన నేపథ్యంలో, ధర్మాసనం ఈ వ్యాఖ్యలు చేయడం గమనార్హం.
ప్రధాన న్యాయమూర్తి జస్టిస్ లీసా గిల్, జస్టిస్ చల్లా గుణ రంజన్లతో కూడిన ధర్మాసనం బుధవారం ఈ వ్యాఖ్యలు చేసింది. రహదారులపై విగ్రహాల ఏర్పాటును సవాలు చేస్తూ దాఖలైన ప్రజా ప్రయోజన వ్యాజ్యం (పిల్) విచారణ సందర్భంగా ఈ పరిణామం చోటుచేసుకుంది. ఈ కేసులో పిటిషనర్ తరఫున శ్రావణ్కుమార్ వాదనలు వినిపిస్తున్నారు.
న్యాయవాదుల ఫీజులకు సంబంధించి ఇప్పటికే స్పష్టమైన తీర్పులు ఉన్నాయని, వాటిని అధ్యయనం చేసి తమ ముందు ఉంచాలని ధర్మాసనం సూచించింది. అలాంటప్పుడు కోర్టుకు ఇతర ఉద్దేశాలను ఎలా ఆపాదిస్తారని ప్రశ్నించింది. దీనిపై శ్రావణ్కుమార్ స్పందిస్తూ.. విచారణకు తగిన సమయం కేటాయించడం లేదని, తీర్పు కాపీల కోసం సుదీర్ఘ కాలం వేచి చూడాల్సి వస్తోందని చెప్పడమే తన ఉద్దేశమని వివరణ ఇచ్చారు. ధర్మాసనంపై తాను ఎలాంటి తప్పుడు ఆరోపణలు చేయలేదని పేర్కొంటూ క్షమాపణలు కోరారు.
అనంతరం ఈ పిల్ విచారణను ధర్మాసనం సెప్టెంబర్ 30కి వాయిదా వేసింది. నిబంధనలకు విరుద్ధంగా సుప్రీంకోర్టు సీనియర్ న్యాయవాది సిద్ధార్థ్ లూథ్రాకు భారీ మొత్తంలో ఫీజులు చెల్లించారని ఆరోపిస్తూ ఇటీవల ఒక పిల్ దాఖలైంది. ఆ విచారణ అనంతరం శ్రావణ్కుమార్ తన అభిప్రాయాలను వ్యక్తపరుస్తూ ఒక వీడియోను విడుదల చేసిన నేపథ్యంలో, ధర్మాసనం ఈ వ్యాఖ్యలు చేయడం గమనార్హం.
