హైదరాబాద్లో దారుణం.. క్షుద్రపూజల నెపంతో వ్యక్తి హత్య
- మృతుడు మెహబూబ్ అలీ సాహెబ్ (55)గా గుర్తింపు
- కేసు నమోదు చేసి దర్యాప్తు ప్రారంభించిన ఫలక్నుమా పోలీసులు
- నిందితులను వెంటనే అరెస్ట్ చేయాలని డిమాండ్ చేసిన ఎంఐఎం నేతలు
హైదరాబాద్ నగరంలో మరో ఘోరం వెలుగుచూసింది. క్షుద్రపూజలు చేస్తున్నాడనే అనుమానంతో 55 ఏళ్ల వ్యక్తిని దుండగులు కిరాతకంగా హత్య చేశారు. చంపాపేట పరిధిలోని గుండాల షా బాబా రోడ్డులో ఆదివారం రాత్రి ఈ ఘటన చోటుచేసుకుంది. మృతుడిని మెహబూబ్ అలీ సాహెబ్ అలియాస్ ఉమర్గా పోలీసులు గుర్తించారు.
ఈ హత్యపై సమాచారం అందుకున్న ఫలక్నుమా పోలీసులు హుటాహుటిన ఘటనా స్థలానికి చేరుకున్నారు. కేసు నమోదు చేసిన పోలీసులు లోతైన దర్యాప్తు ప్రారంభించారు. మృతదేహాన్ని పోస్టుమార్టం నిమిత్తం ఆసుపత్రికి తరలించారు. సోమవారం పోస్టుమార్టం ప్రక్రియ ముగిసిన అనంతరం భౌతికకాయాన్ని కుటుంబ సభ్యులకు అప్పగించనున్నారు.
ఈ ఘటనపై ఎంఐఎం నేతలు తీవ్రంగా స్పందించారు. మృతుడి సోదరుడిని, ఇతర కుటుంబ సభ్యులను వారు పరామర్శించి ధైర్యం చెప్పారు. అనంతరం ఫలక్నుమా పోలీస్ స్టేషన్లో ఏఎస్పీ జావేద్ అలీ, సీఐలతో సమావేశమై చర్చించారు. ఈ హత్యలో ప్రమేయం ఉన్న నలుగురు నిందితులను తక్షణమే అరెస్ట్ చేయాలని వారు డిమాండ్ చేశారు. ఎటువంటి ఒత్తిళ్లకు లోనుకాకుండా దర్యాప్తును పారదర్శకంగా చేపట్టాలని, సాక్షులకు రక్షణ కల్పించాలని కోరారు. నగరంలో పెరుగుతున్న నేరాల దృష్ట్యా పోలీస్ పెట్రోలింగ్ ముమ్మరం చేయాలని, నిందితులపై కఠిన చర్యలు తీసుకుని బాధిత కుటుంబానికి న్యాయం చేయాలని విజ్ఞప్తి చేశారు.
ఈ హత్యపై సమాచారం అందుకున్న ఫలక్నుమా పోలీసులు హుటాహుటిన ఘటనా స్థలానికి చేరుకున్నారు. కేసు నమోదు చేసిన పోలీసులు లోతైన దర్యాప్తు ప్రారంభించారు. మృతదేహాన్ని పోస్టుమార్టం నిమిత్తం ఆసుపత్రికి తరలించారు. సోమవారం పోస్టుమార్టం ప్రక్రియ ముగిసిన అనంతరం భౌతికకాయాన్ని కుటుంబ సభ్యులకు అప్పగించనున్నారు.
ఈ ఘటనపై ఎంఐఎం నేతలు తీవ్రంగా స్పందించారు. మృతుడి సోదరుడిని, ఇతర కుటుంబ సభ్యులను వారు పరామర్శించి ధైర్యం చెప్పారు. అనంతరం ఫలక్నుమా పోలీస్ స్టేషన్లో ఏఎస్పీ జావేద్ అలీ, సీఐలతో సమావేశమై చర్చించారు. ఈ హత్యలో ప్రమేయం ఉన్న నలుగురు నిందితులను తక్షణమే అరెస్ట్ చేయాలని వారు డిమాండ్ చేశారు. ఎటువంటి ఒత్తిళ్లకు లోనుకాకుండా దర్యాప్తును పారదర్శకంగా చేపట్టాలని, సాక్షులకు రక్షణ కల్పించాలని కోరారు. నగరంలో పెరుగుతున్న నేరాల దృష్ట్యా పోలీస్ పెట్రోలింగ్ ముమ్మరం చేయాలని, నిందితులపై కఠిన చర్యలు తీసుకుని బాధిత కుటుంబానికి న్యాయం చేయాలని విజ్ఞప్తి చేశారు.
