బంగారం, వెండి ధరల్లో కొనసాగుతున్న తగ్గుదల.. ఈరోజు రేట్లు ఇవే

దేశీయ మార్కెట్లో బంగారం, వెండి ధరల తగ్గుదల శుక్రవారం కూడా కొనసాగింది. పసిడి, వెండి ధరలు మరోసారి తగ్గడంతో పండుగ సీజన్‌లో కొనుగోలుదారులకు కొంత ఊరట లభించినట్లయింది. ఈరోజు (శుక్రవారం) ఉదయం 6:30 గంటల సమయానికి దేశంలోని ప్రధాన నగరాల్లో ధరలు ఈ విధంగా ఉన్నాయి.

హైదరాబాద్, విజయవాడ, విశాఖపట్నంలలో 10 గ్రాముల 24 క్యారెట్ల బంగారం ధర రూ. 1,62,970గా ఉండగా, 22 క్యారెట్ల బంగారం ధర రూ. 1,49,390 వద్ద కొనసాగుతోంది. అదేవిధంగా, 18 క్యారెట్ల పసిడి ధర రూ. 1,22,230గా నమోదైంది. ఇక కిలో వెండి విషయానికి వస్తే, తెలుగు రాష్ట్రాల్లో దీని ధర రూ. 2,64,900గా ఉంది.

దేశంలోని ఇతర ప్రధాన నగరాలను పరిశీలిస్తే, ఢిల్లీలో 10 గ్రాముల 24 క్యారెట్ల బంగారం ధర రూ. 1,63,120గా ఉండగా, 22 క్యారెట్ల ధర రూ. 1,49,540గా నమోదైంది. ముంబైలో 24 క్యారెట్ల బంగారం రూ. 1,62,970 వద్ద, 22 క్యారెట్ల బంగారం రూ. 1,49,390 వద్ద ట్రేడ్ అవుతోంది. ఈ రెండు నగరాల్లో కిలో వెండి ధర రూ. 2,59,900 వద్ద కొనసాగుతోంది.

బంగారం, వెండి ధరలు నిరంతరం హెచ్చుతగ్గులకు లోనవుతుంటాయి. కాబట్టి, వినియోగదారులు కొనుగోలు చేసే ముందు స్థానిక నగల దుకాణాల్లో తాజా ధరలను ఒకసారి సరిచూసుకోవడం ఉత్తమం.