పదేళ్లు పూర్తి చేసుకున్న యూపీఐ... 11 దేశాలకు విస్తరణ
- జులైలో రికార్డు స్థాయిలో రూ. 29.88 లక్షల కోట్ల లావాదేవీలు
- దేశీయ డిజిటల్ చెల్లింపుల్లో 84 శాతం వాటా యూపీఐదే
- పదేళ్లలో 13,000 రెట్లు పెరిగిన లావాదేవీల సంఖ్య
భారత డిజిటల్ చెల్లింపుల వ్యవస్థ యూనిఫైడ్ పేమెంట్స్ ఇంటర్ఫేస్ (యూపీఐ) తన ప్రస్థానంలో పదేళ్లు పూర్తి చేసుకుంది. ఈ సందర్భంగా కేంద్ర ఆర్థిక మంత్రిత్వ శాఖ కీలక వివరాలను వెల్లడించింది. యూపీఐ సేవలు ప్రస్తుతం 11 దేశాలకు విస్తరించాయని, ఈ ఏడాది జులైలో రికార్డు స్థాయిలో రూ. 29.88 లక్షల కోట్ల విలువైన లావాదేవీలు నమోదయ్యాయని తెలిపింది.
2016 ఆగస్టు 25న రిజర్వ్ బ్యాంక్ ఆఫ్ ఇండియా (ఆర్బీఐ) ఆధ్వర్యంలో నేషనల్ పేమెంట్స్ కార్పొరేషన్ ఆఫ్ ఇండియా (ఎన్పీసీఐ) యూపీఐని ప్రారంభించింది. అప్పట్లో కేవలం 21 బ్యాంకులతో మొదలైన ఈ వ్యవస్థలో ఇప్పుడు 741 బ్యాంకులు భాగమయ్యాయి. జులై 2026 నెలలో అత్యధికంగా 2,366 కోట్ల లావాదేవీలు జరిగాయి. అంటే, సగటున రోజుకు 66 కోట్ల లావాదేవీలు నమోదయ్యాయి.
ప్రస్తుతం ఫ్రాన్స్, యూఏఈ, భూటాన్, శ్రీలంక, నేపాల్, సింగపూర్, మారిషస్, ఖతార్, గ్రీస్, మాల్దీవులు, కంబోడియా దేశాల్లో యూపీఐ చెల్లింపులు అందుబాటులో ఉన్నాయి. ఈ విస్తరణతో భారతీయ ప్రయాణికులు, ప్రవాస భారతీయులు విదేశాల్లో కూడా సులభంగా, వేగంగా చెల్లింపులు జరిపేందుకు వీలు కలిగింది.
పదేళ్ల కాలంలో యూపీఐ అసాధారణ వృద్ధిని సాధించింది. 2016-17 ఆర్థిక సంవత్సరంలో రూ. 0.07 లక్షల కోట్లుగా ఉన్న లావాదేవీల విలువ, 2025-26 నాటికి రూ. 314 లక్షల కోట్లకు చేరింది. లావాదేవీల పరిమాణంలో దాదాపు 13,000 రెట్లు, విలువలో 4,000 రెట్లకు పైగా వృద్ధి నమోదైంది. 2025-26లో దేశంలోని మొత్తం డిజిటల్ చెల్లింపుల్లో 84 శాతం వాటా యూపీఐదే కావడం విశేషం. అంతర్జాతీయ ద్రవ్య నిధి (ఐఎంఎఫ్) ప్రకారం, 2025లో ప్రపంచ రియల్-టైమ్ చెల్లింపుల లావాదేవీలలో దాదాపు 49 శాతం యూపీఐ ద్వారానే జరిగాయి. రెండో దశాబ్దంలోకి అడుగుపెట్టిన యూపీఐని మరిన్ని దేశాలకు విస్తరించేందుకు సన్నాహాలు జరుగుతున్నాయని ప్రభుత్వం తెలిపింది.
2016 ఆగస్టు 25న రిజర్వ్ బ్యాంక్ ఆఫ్ ఇండియా (ఆర్బీఐ) ఆధ్వర్యంలో నేషనల్ పేమెంట్స్ కార్పొరేషన్ ఆఫ్ ఇండియా (ఎన్పీసీఐ) యూపీఐని ప్రారంభించింది. అప్పట్లో కేవలం 21 బ్యాంకులతో మొదలైన ఈ వ్యవస్థలో ఇప్పుడు 741 బ్యాంకులు భాగమయ్యాయి. జులై 2026 నెలలో అత్యధికంగా 2,366 కోట్ల లావాదేవీలు జరిగాయి. అంటే, సగటున రోజుకు 66 కోట్ల లావాదేవీలు నమోదయ్యాయి.
ప్రస్తుతం ఫ్రాన్స్, యూఏఈ, భూటాన్, శ్రీలంక, నేపాల్, సింగపూర్, మారిషస్, ఖతార్, గ్రీస్, మాల్దీవులు, కంబోడియా దేశాల్లో యూపీఐ చెల్లింపులు అందుబాటులో ఉన్నాయి. ఈ విస్తరణతో భారతీయ ప్రయాణికులు, ప్రవాస భారతీయులు విదేశాల్లో కూడా సులభంగా, వేగంగా చెల్లింపులు జరిపేందుకు వీలు కలిగింది.
పదేళ్ల కాలంలో యూపీఐ అసాధారణ వృద్ధిని సాధించింది. 2016-17 ఆర్థిక సంవత్సరంలో రూ. 0.07 లక్షల కోట్లుగా ఉన్న లావాదేవీల విలువ, 2025-26 నాటికి రూ. 314 లక్షల కోట్లకు చేరింది. లావాదేవీల పరిమాణంలో దాదాపు 13,000 రెట్లు, విలువలో 4,000 రెట్లకు పైగా వృద్ధి నమోదైంది. 2025-26లో దేశంలోని మొత్తం డిజిటల్ చెల్లింపుల్లో 84 శాతం వాటా యూపీఐదే కావడం విశేషం. అంతర్జాతీయ ద్రవ్య నిధి (ఐఎంఎఫ్) ప్రకారం, 2025లో ప్రపంచ రియల్-టైమ్ చెల్లింపుల లావాదేవీలలో దాదాపు 49 శాతం యూపీఐ ద్వారానే జరిగాయి. రెండో దశాబ్దంలోకి అడుగుపెట్టిన యూపీఐని మరిన్ని దేశాలకు విస్తరించేందుకు సన్నాహాలు జరుగుతున్నాయని ప్రభుత్వం తెలిపింది.
