వివాదాల్లో 12 లక్షల గజాల భూమి.. రంగంలోకి హైదరాబాద్ కలెక్టర్
- హైదరాబాద్ జిల్లాలో సగానికి పైగా ప్రభుత్వ భూములు కోర్టు కేసుల్లో
- దాదాపు 12 లక్షల గజాల స్థలంపై న్యాయపరమైన వివాదాలు
- భూ వివాదాలపై రంగంలోకి దిగిన కలెక్టర్ ప్రియాంక ఆలా
- సమగ్ర నివేదిక ఇవ్వాలని అధికారులకు ఆదేశాలు
- ప్రజలకు ఇబ్బందిగా మారిన 22ఏ సెక్షన్పైనా సమీక్ష
రాష్ట్ర రాజధాని హైదరాబాద్ జిల్లాలో ప్రభుత్వ భూముల వ్యవహారంపై జిల్లా కలెక్టర్ ప్రియాంక ఆలా ప్రత్యేకంగా దృష్టి సారించారు. జిల్లాలోని ప్రభుత్వ భూముల్లో సగానికి పైగా కోర్టు కేసుల్లో చిక్కుకోవడంతో, ఈ అంశంపై ఆమె ఉన్నత స్థాయి సమీక్ష చేపట్టారు. ఈ వివాదాలకు సంబంధించిన పూర్తి వివరాలతో 2-3 రోజుల్లో సమగ్ర నివేదిక సమర్పించాలని రెవెన్యూ అధికారులను ఆదేశించారు.
హైదరాబాద్ జిల్లా వ్యాప్తంగా మొత్తం 21.74 లక్షల చదరపు గజాల ప్రభుత్వ భూమి ఉండగా, ఇందులో దాదాపు 12 లక్షల చదరపు గజాల స్థలం వివిధ కోర్టు కేసుల్లో ఉంది. మొత్తం 238 కేసుల్లో ఈ భూములు చిక్కుకున్నాయి. అత్యధికంగా షేక్పేట్ మండలంలో 50 కేసులు పెండింగ్లో ఉన్నాయి. ఈ కేసుల తాజా పరిస్థితి, రెవెన్యూ శాఖ తరఫున కౌంటర్లు సరిగా దాఖలు చేశారా? లేదా? అనే వివరాలను నివేదికలో పొందుపరచాలని కలెక్టర్ స్పష్టం చేశారు.
ఇదిలా ఉండగా, ప్రభుత్వ భూముల పరిరక్షణకు ఉద్దేశించిన 22ఏ సెక్షన్ సామాన్యులకు గుదిబండగా మారింది. ప్రభుత్వ భూముల పక్కన ఉన్న ప్రైవేటు పట్టా భూములను కూడా పొరపాటున నిషేధిత జాబితాలో చేర్చడంతో, వాటి రిజిస్ట్రేషన్లు నిలిచిపోతున్నాయి. దీంతో లక్షలాది మంది ప్రజలు తీవ్ర ఇబ్బందులు పడుతున్నారు.
ఈ సమస్య తీవ్రతను గుర్తించిన కలెక్టర్ ప్రియాంక, 22ఏ సెక్షన్ అమలులో జరుగుతున్న పొరపాట్లపై కూడా ఆరా తీస్తున్నారు. అన్ని హక్కులు ఉన్న ప్రైవేటు భూములు నిషేధిత జాబితాలోకి ఎందుకు వెళ్లాయి, పొరపాటు ఎక్కడ జరిగిందనే అంశాలపై విచారణ జరిపి నివేదిక ఇవ్వాలని ఆదేశించినట్లు తెలుస్తోంది. ప్రస్తుతం తమ ఆస్తులు 22ఏ జాబితాలో ఉన్నాయని తెలియడంతో అనేకమంది బాధితులు తహసీల్దార్, కలెక్టరేట్ కార్యాలయాల చుట్టూ తిరుగుతున్నారు.
హైదరాబాద్ జిల్లా వ్యాప్తంగా మొత్తం 21.74 లక్షల చదరపు గజాల ప్రభుత్వ భూమి ఉండగా, ఇందులో దాదాపు 12 లక్షల చదరపు గజాల స్థలం వివిధ కోర్టు కేసుల్లో ఉంది. మొత్తం 238 కేసుల్లో ఈ భూములు చిక్కుకున్నాయి. అత్యధికంగా షేక్పేట్ మండలంలో 50 కేసులు పెండింగ్లో ఉన్నాయి. ఈ కేసుల తాజా పరిస్థితి, రెవెన్యూ శాఖ తరఫున కౌంటర్లు సరిగా దాఖలు చేశారా? లేదా? అనే వివరాలను నివేదికలో పొందుపరచాలని కలెక్టర్ స్పష్టం చేశారు.
ఇదిలా ఉండగా, ప్రభుత్వ భూముల పరిరక్షణకు ఉద్దేశించిన 22ఏ సెక్షన్ సామాన్యులకు గుదిబండగా మారింది. ప్రభుత్వ భూముల పక్కన ఉన్న ప్రైవేటు పట్టా భూములను కూడా పొరపాటున నిషేధిత జాబితాలో చేర్చడంతో, వాటి రిజిస్ట్రేషన్లు నిలిచిపోతున్నాయి. దీంతో లక్షలాది మంది ప్రజలు తీవ్ర ఇబ్బందులు పడుతున్నారు.
ఈ సమస్య తీవ్రతను గుర్తించిన కలెక్టర్ ప్రియాంక, 22ఏ సెక్షన్ అమలులో జరుగుతున్న పొరపాట్లపై కూడా ఆరా తీస్తున్నారు. అన్ని హక్కులు ఉన్న ప్రైవేటు భూములు నిషేధిత జాబితాలోకి ఎందుకు వెళ్లాయి, పొరపాటు ఎక్కడ జరిగిందనే అంశాలపై విచారణ జరిపి నివేదిక ఇవ్వాలని ఆదేశించినట్లు తెలుస్తోంది. ప్రస్తుతం తమ ఆస్తులు 22ఏ జాబితాలో ఉన్నాయని తెలియడంతో అనేకమంది బాధితులు తహసీల్దార్, కలెక్టరేట్ కార్యాలయాల చుట్టూ తిరుగుతున్నారు.
