పసిడి ప్రియులకు ఊరట.. తెలుగు రాష్ట్రాల్లో కొత్త రేట్లు ఇవే!

బంగారం ధరలు నేడు స్వల్పంగా తగ్గుముఖం పట్టాయి. అమెరికా, ఇరాన్ మధ్య శాంతి చర్చలు జరిగే అవకాశముందన్న సానుకూల అంచనాలు పసిడి మార్కెట్‌పై ప్రభావం చూపాయి. అంతర్జాతీయంగా చోటుచేసుకున్న ఈ పరిణామాల నేపథ్యంలో బులియన్ మార్కెట్‌లో బంగారం ధరలు దిగివచ్చాయి. బుధవారం ఉదయం హైదరాబాద్ బులియన్ మార్కెట్‌లో 10 గ్రాముల 24 క్యారెట్ల బంగారం ధర రూ. 1,43,990గా నమోదు కాగా, 22 క్యారెట్ల బంగారం ధర రూ. 1,31,990గా ఉంది.

హైదరాబాద్‌తో పాటు తెలుగు రాష్ట్రాల్లోని ప్రధాన నగరాలైన వరంగల్, విజయవాడ, విశాఖపట్నం, తిరుపతి వంటి ప్రాంతాల్లో కూడా ఇవే ధరలు కొనసాగుతున్నాయి. ఇక 18 క్యారెట్ల బంగారం ధర 10 గ్రాములకు రూ. 1,07,990 వద్ద స్థిరపడింది.

దేశంలోని ఇతర ప్రధాన నగరాల్లో బంగారం ధరలను పరిశీలిస్తే స్వల్ప వ్యత్యాసాలు కనిపిస్తున్నాయి. దేశ రాజధాని ఢిల్లీలో 24 క్యారెట్ల బంగారం ధర రూ. 1,44,140గా ఉండగా, ఆర్థిక రాజధాని ముంబైతో పాటు బెంగళూరు, కోల్‌కతా నగరాల్లో హైదరాబాద్ ధరలే అమలవుతున్నాయి. అంతర్జాతీయ మార్కెట్‌లోని హెచ్చుతగ్గులు, డాలర్‌తో రూపాయి మారకం విలువ వంటి అంశాలు పసిడి ధరలపై ప్రభావం చూపుతాయని, తద్వారా ధరల్లో ఎప్పటికప్పుడు మార్పులు సంభవించవచ్చని మార్కెట్ నిపుణులు విశ్లేషిస్తున్నారు.