మద్యం కోసం ఆస్తులన్నీ అమ్మేశా.. 33 ఏళ్లకే జీవితం ముగిసిందనుకున్నా: వ్యాపారవేత్త నవీన్ అన్సల్
- ఏడు తరాలకు సరిపడా ఆస్తిని పదేళ్లలోనే వృధా చేశానన్న వ్యాపారవేత్త
- 33 ఏళ్ల వయసులో జీవితం ముగిసిపోయిందని భావించానని వెల్లడి
- నిజం ఒప్పుకుని సాయం కోరడమే వ్యసనానికి విరుగుడు అన్న నవీన్ అన్సల్
- సర్వం కోల్పోయిన నేనే కోలుకున్నప్పుడు ఎవరైనా కోలుకోవచ్చని సూచన
ప్రముఖ వ్యాపారవేత్త నవీన్ అన్సల్ గతంలో తాను ఎదుర్కొన్న తీవ్రమైన మద్యపానం వ్యసనం గురించి బహిరంగంగా చర్చించారు. కేవలం 33 ఏళ్ల వయసులోనే తన జీవితం పూర్తిగా పతనమైపోయిందని భావించిన సందర్భాలను ఆయన గుర్తుచేసుకున్నారు. ఐశ్వర్య వివేక్ నిర్వహించిన పాడ్కాస్ట్లో పాల్గొన్న ఆయన, తన జీవితంలోని పలు ఆసక్తికర విషయాలను వెల్లడించారు.
తాను ఒక సంపన్న కుటుంబంలో జన్మించానని, తమ ఇంట్లో మద్యం సేవించడం సర్వసాధారణమైన విషయమని నవీన్ పేర్కొన్నారు. ఉన్నతమైన పెంపకం లేదా అపారమైన సంపద వంటివి వ్యసనాలకు అడ్డుకట్ట వేయలేవని ఆయన అభిప్రాయపడ్డారు. "నా విలాసవంతమైన జీవనశైలి కోసం వారసత్వంగా వచ్చిన భూములు, ఆస్తులన్నింటినీ విక్రయించాను. ఏడు తరాల పాటు సరిపడా ఆస్తి ఉందని అందరూ చెప్పేవారు. కానీ, పదేళ్ల కాలంలోనే వాటన్నింటినీ వృధా చేశాను" అని ఆయన ఆవేదన వ్యక్తం చేశారు.
1991లో, 33 ఏళ్ల వయసులో తాను సర్వం కోల్పోయానని, జీవితం ముగిసిందని భావించిన తరుణంలోనే తన నూతన జీవితం ప్రారంభమైందని వివరించారు. "నేను వ్యసనానికి ప్రత్యేకంగా విరుగుడును వెతకలేదు, పరిస్థితులే నన్ను సరిదిద్దాయి. ఎవరైనా సరే చేయాల్సింది ఒక్కటే.. నిజాన్ని అంగీకరించి, సహాయం కోసం అర్థించడమే" అని నవీన్ స్పష్టం చేశారు.
సర్వం కోల్పోయిన తానే తిరిగి పుంజుకుని సంతోషంగా జీవించగలుగుతున్నప్పుడు, ఎవరైనా సరే వ్యసనం నుంచి బయటపడగలరని ఆయన భరోసా ఇచ్చారు. మద్యపానం లేదా మాదకద్రవ్యాల బానిసత్వం నుంచి విజయవంతంగా కోలుకున్న వారిని కలిసి సహాయం కోరడమే దీనికి సరైన మార్గమని ఆయన సూచించారు.
తాను ఒక సంపన్న కుటుంబంలో జన్మించానని, తమ ఇంట్లో మద్యం సేవించడం సర్వసాధారణమైన విషయమని నవీన్ పేర్కొన్నారు. ఉన్నతమైన పెంపకం లేదా అపారమైన సంపద వంటివి వ్యసనాలకు అడ్డుకట్ట వేయలేవని ఆయన అభిప్రాయపడ్డారు. "నా విలాసవంతమైన జీవనశైలి కోసం వారసత్వంగా వచ్చిన భూములు, ఆస్తులన్నింటినీ విక్రయించాను. ఏడు తరాల పాటు సరిపడా ఆస్తి ఉందని అందరూ చెప్పేవారు. కానీ, పదేళ్ల కాలంలోనే వాటన్నింటినీ వృధా చేశాను" అని ఆయన ఆవేదన వ్యక్తం చేశారు.
1991లో, 33 ఏళ్ల వయసులో తాను సర్వం కోల్పోయానని, జీవితం ముగిసిందని భావించిన తరుణంలోనే తన నూతన జీవితం ప్రారంభమైందని వివరించారు. "నేను వ్యసనానికి ప్రత్యేకంగా విరుగుడును వెతకలేదు, పరిస్థితులే నన్ను సరిదిద్దాయి. ఎవరైనా సరే చేయాల్సింది ఒక్కటే.. నిజాన్ని అంగీకరించి, సహాయం కోసం అర్థించడమే" అని నవీన్ స్పష్టం చేశారు.
సర్వం కోల్పోయిన తానే తిరిగి పుంజుకుని సంతోషంగా జీవించగలుగుతున్నప్పుడు, ఎవరైనా సరే వ్యసనం నుంచి బయటపడగలరని ఆయన భరోసా ఇచ్చారు. మద్యపానం లేదా మాదకద్రవ్యాల బానిసత్వం నుంచి విజయవంతంగా కోలుకున్న వారిని కలిసి సహాయం కోరడమే దీనికి సరైన మార్గమని ఆయన సూచించారు.
