రేపు కృష్ణా జిల్లాలో నారా లోకేశ్ పర్యటన... షెడ్యూల్ ఇదిగో!

రాష్ట్ర విద్య, ఐటీ, ఎలక్ట్రానిక్స్ శాఖల మంత్రి నారా లోకేశ్ రేపు సోమవారం (జూలై 27) కృష్ణా జిల్లాలో పర్యటించనున్నారు. పెనమలూరు నియోజకవర్గంలో ఆయన పలు అభివృద్ధి, పార్టీ కార్యక్రమాల్లో పాల్గొననున్నారు. ఈ మేరకు ఆయన పర్యటనకు సంబంధించిన అధికారిక షెడ్యూల్ విడుదలైంది.

పర్యటన వివరాల ప్రకారం, సోమవారం ఉదయం 10:15 గంటలకు లోకేశ్ కంకిపాడు మండలం పునాదిపాడు గ్రామానికి చేరుకుంటారు. అక్కడ నూతనంగా నిర్మించిన బాలికల జూనియర్ కళాశాల భవనాన్ని లాంఛనంగా ప్రారంభిస్తారు. అనంతరం అదే గ్రామంలోని జిల్లా పరిషత్ ఉన్నత పాఠశాలను సందర్శిస్తారు. ఈ కార్యక్రమాలు మధ్యాహ్నం 12 గంటల వరకు కొనసాగుతాయి.

మధ్యాహ్నం 1:00 గంట నుంచి 2:30 గంటల వరకు కంకిపాడులోని అయానా కన్వెన్షన్‌లో జరిగే కార్యక్రమంలో లోకేశ్ పాల్గొంటారు. పెనమలూరు నియోజకవర్గానికి చెందిన తెలుగుదేశం పార్టీ నేతలు, కార్యకర్తలతో ఏర్పాటు చేసిన సమన్వయ సమావేశంలో ఆయన ప్రసంగించనున్నారు. మంత్రి పర్యటన నేపథ్యంలో అధికారులు, టీడీపీ శ్రేణులు అవసరమైన ఏర్పాట్లు పూర్తి చేశారు.