బెంగళూరు బస్సులో మహిళకు వేధింపులు.. వ్యక్తిని చితకబాదిన డ్రైవర్, ప్రయాణికులు
- బెంగళూరు బీఎంటీసీ బస్సులో మహిళకు లైంగిక వేధింపులు
- మాన్యతా టెక్ పార్క్ వద్ద శుక్రవారం జరిగిన ఘటన
- నిందితుడు పారిపోకుండా డోర్లు మూసివేసిన డ్రైవర్
- ఇతర ప్రయాణికులతో కలిసి నిందితుడిని పట్టుకున్న డ్రైవర్
బెంగళూరులో కదులుతున్న బీఎంటీసీ బస్సులో ఓ మహిళకు లైంగిక వేధింపులు ఎదురయ్యాయి. తోటి ప్రయాణికుడు అసభ్యంగా ప్రవర్తించడంతో ఆమె ధైర్యంగా అతడిని నిలదీశారు. ఆ వ్యక్తి అక్కడి నుంచి పరారయ్యేందుకు ప్రయత్నించగా, బస్సు డ్రైవర్, ఇతర ప్రయాణికులు సమయస్ఫూర్తితో వ్యవహరించి అతడిని అడ్డుకుని పట్టుకున్నారు. ఐటీ కారిడార్లోని మాన్యతా టెక్ పార్క్ సమీపంలో చోటుచేసుకున్న ఈ ఘటనకు సంబంధించిన వీడియో ప్రస్తుతం సామాజిక మాధ్యమాల్లో వైరల్గా మారింది.
శుక్రవారం బీఎంటీసీ బస్సులో ప్రయాణిస్తున్న సమయంలో ఓ వ్యక్తి సదరు మహిళ పట్ల అమర్యాదగా ప్రవర్తించి, అసభ్యంగా తాకాడు. దీంతో తీవ్ర ఆగ్రహానికి గురైన ఆమె తక్షణమే స్పందించి ఆ వ్యక్తిని నిలదీసి చెంప చెళ్లుమనిపించారు. పట్టుబడతాననే భయంతో అతడు వెంటనే బస్సు దిగి పారిపోయేందుకు యత్నించాడు.
దీనిని గమనించిన బస్సు డ్రైవర్ అప్రమత్తమై వెంటనే తలుపులు మూసివేశారు. ఈ క్రమంలో ఆ వ్యక్తి తన చొక్కా విప్పి మహిళను భయపెట్టాలని చూసినప్పటికీ, డ్రైవర్ మరియు తోటి ప్రయాణికులు అతడిని పట్టుకుని దేహశుద్ధి చేశారు. ఈ ఘటనపై సంపిగేహళ్లి పోలీసులు దృష్టి సారించారు. వైరల్ వీడియో ఆధారంగా పోలీసులు, బీఎంటీసీ అధికారులు పూర్తి వివరాలు సేకరిస్తున్నారు.
శుక్రవారం బీఎంటీసీ బస్సులో ప్రయాణిస్తున్న సమయంలో ఓ వ్యక్తి సదరు మహిళ పట్ల అమర్యాదగా ప్రవర్తించి, అసభ్యంగా తాకాడు. దీంతో తీవ్ర ఆగ్రహానికి గురైన ఆమె తక్షణమే స్పందించి ఆ వ్యక్తిని నిలదీసి చెంప చెళ్లుమనిపించారు. పట్టుబడతాననే భయంతో అతడు వెంటనే బస్సు దిగి పారిపోయేందుకు యత్నించాడు.
దీనిని గమనించిన బస్సు డ్రైవర్ అప్రమత్తమై వెంటనే తలుపులు మూసివేశారు. ఈ క్రమంలో ఆ వ్యక్తి తన చొక్కా విప్పి మహిళను భయపెట్టాలని చూసినప్పటికీ, డ్రైవర్ మరియు తోటి ప్రయాణికులు అతడిని పట్టుకుని దేహశుద్ధి చేశారు. ఈ ఘటనపై సంపిగేహళ్లి పోలీసులు దృష్టి సారించారు. వైరల్ వీడియో ఆధారంగా పోలీసులు, బీఎంటీసీ అధికారులు పూర్తి వివరాలు సేకరిస్తున్నారు.
