- మహిళా టెన్నిస్ ప్లేయర్లకు డబ్ల్యూటీఏ జన్యు పరీక్షలు తప్పనిసరి చేసిన డబ్ల్యూటీఏ
- ఆడాలంటే SRY జన్యువు లేదని నిరూపించుకోవాల్సిందే
- ఈ నిబంధన మంగళవారం నుంచే అమల్లోకి!
- ట్రాన్స్‌జెండర్ల భాగస్వామ్యంపై పాత నిబంధనను దీంతో భర్తీ
- ఇప్పటికే అథ్లెటిక్స్, బాక్సింగ్‌లో ఇలాంటి నిబంధనల అమలు
మహిళా టెన్నిస్ సంఘం (WTA) సంచలన నిర్ణయం తీసుకుంది. డబ్ల్యూటీఏ టూర్‌లో పాల్గొనాలనుకునే క్రీడాకారిణులందరికీ తప్పనిసరిగా జన్యుపరమైన లింగ నిర్ధారణ పరీక్షలు (జెనెటిక్ సెక్స్ టెస్టింగ్) ప్రవేశపెట్టింది. ఈ కొత్త నిబంధన మంగళవారం నుంచే అమల్లోకి వస్తుందని సోమవారం ఒక ప్రకటనలో స్పష్టం చేసింది.
కొత్త నిబంధనల ప్రకారం, ప్లేయర్లు తమ బుగ్గ, రక్తం, లేదా లాలాజల నమూనాలను పరీక్ష కోసం ఇవ్వాలి. పురుష లక్షణాల అభివృద్ధికి కారణమయ్యే Y క్రోమోజోమ్‌లోని SRY జన్యువు ఉనికిని గుర్తించడానికి ఈ పరీక్ష నిర్వహిస్తారు. ఈ పరీక్షలో నెగెటివ్ (జన్యువు లేదని) వచ్చిన వారే టోర్నమెంట్‌లలో ఆడేందుకు అర్హులు. పాజిటివ్ వచ్చిన వారికి తదుపరి వైద్య పరీక్షలు నిర్వహించి తుది నిర్ణయం తీసుకుంటారు. ఈ టెస్టును క్రీడాకారిణి జీవితంలో ఒక్కసారి మాత్రమే చేయనున్నారు. పరీక్షను నిరాకరించిన వారిపై క్రమశిక్షణా చర్యలు తీసుకుంటామని కూడా డబ్ల్యూటీఏ హెచ్చరించింది.
ట్రాన్స్‌జెండర్ మహిళలు గత రెండేళ్లుగా తమ టెస్టోస్టెరాన్ స్థాయిలను నిర్దిష్ట పరిమితిలోపు కొనసాగించినట్లయితే పోటీ పడటానికి అనుమతించే పాత విధానం స్థానంలో ఈ కొత్త రూల్ వచ్చింది. మహిళల టెన్నిస్‌లో సమాన అవకాశాలు, న్యాయమైన పోటీని నిర్ధారించేందుకే ఈ నిర్ణయం తీసుకున్నట్లు డబ్ల్యూటీఏ తెలిపింది. ఇది సున్నితమైన విషయమని, ఈ విధానాన్ని అమలు చేసేటప్పుడు క్రీడాకారులందరినీ గౌరవంగా చూసుకుంటామని పేర్కొంది.
ఇప్పటికే వరల్డ్ అథ్లెటిక్స్ (2025 సెప్టెంబర్), వరల్డ్ బాక్సింగ్ (2025 మే) వంటి సంస్థలు కూడా మహిళా విభాగాల్లో పోటీపడే అథ్లెట్లకు ఇలాంటి జన్యు పరీక్షలను తప్పనిసరి చేశాయి.
కొత్త నిబంధనల ప్రకారం, ప్లేయర్లు తమ బుగ్గ, రక్తం, లేదా లాలాజల నమూనాలను పరీక్ష కోసం ఇవ్వాలి. పురుష లక్షణాల అభివృద్ధికి కారణమయ్యే Y క్రోమోజోమ్‌లోని SRY జన్యువు ఉనికిని గుర్తించడానికి ఈ పరీక్ష నిర్వహిస్తారు. ఈ పరీక్షలో నెగెటివ్ (జన్యువు లేదని) వచ్చిన వారే టోర్నమెంట్‌లలో ఆడేందుకు అర్హులు. పాజిటివ్ వచ్చిన వారికి తదుపరి వైద్య పరీక్షలు నిర్వహించి తుది నిర్ణయం తీసుకుంటారు. ఈ టెస్టును క్రీడాకారిణి జీవితంలో ఒక్కసారి మాత్రమే చేయనున్నారు. పరీక్షను నిరాకరించిన వారిపై క్రమశిక్షణా చర్యలు తీసుకుంటామని కూడా డబ్ల్యూటీఏ హెచ్చరించింది.
ట్రాన్స్‌జెండర్ మహిళలు గత రెండేళ్లుగా తమ టెస్టోస్టెరాన్ స్థాయిలను నిర్దిష్ట పరిమితిలోపు కొనసాగించినట్లయితే పోటీ పడటానికి అనుమతించే పాత విధానం స్థానంలో ఈ కొత్త రూల్ వచ్చింది. మహిళల టెన్నిస్‌లో సమాన అవకాశాలు, న్యాయమైన పోటీని నిర్ధారించేందుకే ఈ నిర్ణయం తీసుకున్నట్లు డబ్ల్యూటీఏ తెలిపింది. ఇది సున్నితమైన విషయమని, ఈ విధానాన్ని అమలు చేసేటప్పుడు క్రీడాకారులందరినీ గౌరవంగా చూసుకుంటామని పేర్కొంది.
ఇప్పటికే వరల్డ్ అథ్లెటిక్స్ (2025 సెప్టెంబర్), వరల్డ్ బాక్సింగ్ (2025 మే) వంటి సంస్థలు కూడా మహిళా విభాగాల్లో పోటీపడే అథ్లెట్లకు ఇలాంటి జన్యు పరీక్షలను తప్పనిసరి చేశాయి.
