‘హర్మూజ్’లో ఇరాన్ క్షిపణి దాడి: యూఏఈ నౌకలపై విరుచుకుపడ్డ క్షిపణులు.. భారతీయ సిబ్బంది మృతి!
- మరో 8 మందికి గాయాలు.. నలుగురి పరిస్థితి విషమం
- యూఏఈకి చెందిన రెండు చమురు నౌకలపై ఇరాన్ దాడి
- దాడులకు గట్టి సమాధానం ఇస్తామని యూఏఈ రక్షణ శాఖ హెచ్చరిక
- యుద్ధ ఉద్రిక్తతల నేపథ్యంలో ఎగబాకిన అంతర్జాతీయ చమురు ధరలు
పశ్చిమాసియాలో ఇరాన్, అమెరికాల మధ్య రేగిన ఉద్రిక్తతలు ఇప్పుడు ఇతర దేశాల పౌరుల ప్రాణాల మీదకు తెస్తున్నాయి. వ్యూహాత్మక హర్మూజ్ జలసంధిలో యునైటెడ్ అరబ్ ఎమిరేట్స్ (యూఏఈ)కి చెందిన రెండు జాతీయ చమురు నౌకలపై ఇరాన్ జరిపిన భారీ క్షిపణి దాడిలో ఒక భారతీయ నౌకా సిబ్బంది ప్రాణాలు కోల్పోగా, మరో ఎనిమిది మంది తీవ్రంగా గాయపడ్డారు. గాయపడిన వారిలో ఆరుగురు భారతీయులు, ఇద్దరు ఉక్రెయిన్ పౌరులు ఉన్నారని, వారిలో నలుగురి పరిస్థితి అత్యంత విషమంగా ఉందని అధికారులు వెల్లడించారు.
నౌకలపై క్రూయిజ్ క్షిపణుల దాడి
ఒమన్ ప్రాంతీయ జలాల పరిధిలోని దక్షిణ రవాణా మార్గం గుండా ప్రయాణిస్తున్న 'మొంబాసా', 'అల్ బహియా' అనే రెండు యూఏఈ నౌకలను లక్ష్యంగా చేసుకుని ఇరాన్ క్రూయిజ్ క్షిపణులను ప్రయోగించింది. ఈ దాడిని యూఏఈ రక్షణ మంత్రిత్వ శాఖ తీవ్రంగా ఖండించింది. ఇది అంతర్జాతీయ చట్టాలను పూర్తిగా ఉల్లంఘించడమేనని, ప్రాంతీయ భద్రతకు తీవ్ర ముప్పని పేర్కొంది. తమ దేశ సార్వభౌమత్వాన్ని, పౌరులను రక్షించుకోవడానికి అవసరమైన అన్ని చర్యలు తీసుకునే హక్కు తమకు ఉందని, ఈ దుశ్చర్యకు తగిన రీతిలో బుద్ధి చెబుతామని యూఏఈ స్పష్టం చేసింది.
రంగంలోకి అమెరికా.. ఎగబాకిన చమురు ధరలు
ఈ ఘటన జరిగిన కొద్దిసేపటికే అమెరికా సేనలు ఇరాన్పై వైమానిక దాడులను మరింత తీవ్రం చేశాయి. ఇరాన్ దాడుల సామర్థ్యాన్ని దెబ్బతీసేందుకు తాము సరికొత్త వైమానిక దాడులను ప్రారంభించినట్లు యుఎస్ సెంట్రల్ కమాండ్ ప్రకటించింది. "మేం ఇరాన్ను చాలా బలంగా దెబ్బతీస్తున్నాం. వారి దాడి చేసే శక్తినంతటినీ తుడిచిపెడుతున్నాం. హర్మూజ్ జలసంధిని మా అదుపులోకి తెచ్చుకుని, దిగ్బంధాన్ని కఠినతరం చేస్తున్నాం" అని అధ్యక్షుడు డొనాల్డ్ ట్రంప్ వైట్ హౌస్ ఓవల్ ఆఫీస్ నుండి ప్రకటించారు.
మరోవైపు, హర్మూజ్ జలసంధి గుండా ప్రయాణించే వాణిజ్య నౌకల రక్షణ బాధ్యతను తామే చూసుకుంటున్నందున, దానికి ప్రతిఫలంగా ఆయా నౌకల నుంచి రక్షణ రుసుము వసూలు చేయబోతున్నట్లు ట్రంప్ స్పష్టం చేశారు. ఈ తాజా యుద్ధ ఉద్రిక్తతల నేపథ్యంలో అంతర్జాతీయ మార్కెట్లో బ్రెంట్ క్రూడ్ ఆయిల్ ధర ఏకంగా 7.8 శాతం పెరిగి బ్యారెల్కు 81.92 డాలర్లకు చేరుకుంది. ఇది భవిష్యత్తులో ప్రపంచవ్యాప్తంగా చమురు ధరల పెరుగుదలకు దారితీసే ప్రమాదం ఉందని ఆర్థిక నిపుణులు ఆందోళన వ్యక్తం చేస్తున్నారు.
నౌకలపై క్రూయిజ్ క్షిపణుల దాడి
ఒమన్ ప్రాంతీయ జలాల పరిధిలోని దక్షిణ రవాణా మార్గం గుండా ప్రయాణిస్తున్న 'మొంబాసా', 'అల్ బహియా' అనే రెండు యూఏఈ నౌకలను లక్ష్యంగా చేసుకుని ఇరాన్ క్రూయిజ్ క్షిపణులను ప్రయోగించింది. ఈ దాడిని యూఏఈ రక్షణ మంత్రిత్వ శాఖ తీవ్రంగా ఖండించింది. ఇది అంతర్జాతీయ చట్టాలను పూర్తిగా ఉల్లంఘించడమేనని, ప్రాంతీయ భద్రతకు తీవ్ర ముప్పని పేర్కొంది. తమ దేశ సార్వభౌమత్వాన్ని, పౌరులను రక్షించుకోవడానికి అవసరమైన అన్ని చర్యలు తీసుకునే హక్కు తమకు ఉందని, ఈ దుశ్చర్యకు తగిన రీతిలో బుద్ధి చెబుతామని యూఏఈ స్పష్టం చేసింది.
రంగంలోకి అమెరికా.. ఎగబాకిన చమురు ధరలు
ఈ ఘటన జరిగిన కొద్దిసేపటికే అమెరికా సేనలు ఇరాన్పై వైమానిక దాడులను మరింత తీవ్రం చేశాయి. ఇరాన్ దాడుల సామర్థ్యాన్ని దెబ్బతీసేందుకు తాము సరికొత్త వైమానిక దాడులను ప్రారంభించినట్లు యుఎస్ సెంట్రల్ కమాండ్ ప్రకటించింది. "మేం ఇరాన్ను చాలా బలంగా దెబ్బతీస్తున్నాం. వారి దాడి చేసే శక్తినంతటినీ తుడిచిపెడుతున్నాం. హర్మూజ్ జలసంధిని మా అదుపులోకి తెచ్చుకుని, దిగ్బంధాన్ని కఠినతరం చేస్తున్నాం" అని అధ్యక్షుడు డొనాల్డ్ ట్రంప్ వైట్ హౌస్ ఓవల్ ఆఫీస్ నుండి ప్రకటించారు.
మరోవైపు, హర్మూజ్ జలసంధి గుండా ప్రయాణించే వాణిజ్య నౌకల రక్షణ బాధ్యతను తామే చూసుకుంటున్నందున, దానికి ప్రతిఫలంగా ఆయా నౌకల నుంచి రక్షణ రుసుము వసూలు చేయబోతున్నట్లు ట్రంప్ స్పష్టం చేశారు. ఈ తాజా యుద్ధ ఉద్రిక్తతల నేపథ్యంలో అంతర్జాతీయ మార్కెట్లో బ్రెంట్ క్రూడ్ ఆయిల్ ధర ఏకంగా 7.8 శాతం పెరిగి బ్యారెల్కు 81.92 డాలర్లకు చేరుకుంది. ఇది భవిష్యత్తులో ప్రపంచవ్యాప్తంగా చమురు ధరల పెరుగుదలకు దారితీసే ప్రమాదం ఉందని ఆర్థిక నిపుణులు ఆందోళన వ్యక్తం చేస్తున్నారు.
