టీసీఎస్లో సేఫ్టీ సైంటిస్ట్ ఉద్యోగాలు.. డీటెయిల్స్ ఇవిగో!
- ప్రముఖ ఐటీ సంస్థ టీసీఎస్లో ఉద్యోగావకాశాలు
- సేఫ్టీ సైంటిస్ట్ (SERM) పోస్టుల భర్తీ
- లైఫ్ సైన్సెస్, ఫార్మసీ డిగ్రీతో పాటు 3-5 ఏళ్ల అనుభవం తప్పనిసరి
- హైదరాబాద్, చెన్నై, బెంగళూరు సహా 8 నగరాల్లో ఖాళీలు
- ఆసక్తి గల అభ్యర్థులు లింక్డ్ఇన్ ద్వారా దరఖాస్తు చేసుకోవాలి
ఈ నియామకాలను ముంబై, పుణె, బెంగళూరు, హైదరాబాద్, చెన్నై, ఇండోర్, కోల్కతా, నోయిడా వంటి ప్రధాన నగరాల్లో చేపట్టనున్నారు. లైఫ్ సైన్సెస్, ఫార్మసీ లేదా బయోమెడికల్ సైన్సెస్లో డిగ్రీ పూర్తి చేసి, సంబంధిత రంగంలో తప్పనిసరిగా 3 నుంచి 5 ఏళ్ల అనుభవం ఉన్నవారు ఈ పోస్టులకు అర్హులు. ఉన్నత విద్యార్హతలు ఉన్నవారికి ప్రాధాన్యత ఉంటుందని కంపెనీ పేర్కొంది.
ఎంపికైన అభ్యర్థులు ఫార్మాకోవిజిలెన్స్, డ్రగ్ సేఫ్టీకి సంబంధించిన బాధ్యతలు నిర్వర్తించాల్సి ఉంటుంది. కొత్త ఔషధాల సిగ్నల్ డిటెక్షన్, వాటి రిస్క్ అసెస్మెంట్, పీఎస్యూఆర్, డీఎస్యూఆర్ వంటి అగ్రిగేట్ సేఫ్టీ రిపోర్టులను సమీక్షించడం, అంతర్జాతీయ ఫార్మా నిబంధనలను పాటించడం వంటివి వీరి ప్రధాన విధులుగా ఉంటాయి.
అభ్యర్థులకు ICH, GVP వంటి అంతర్జాతీయ మార్గదర్శకాలపై బలమైన అవగాహన ఉండాలి. అలాగే, కమ్యూనికేషన్ నైపుణ్యాలు, బృందంతో కలిసి పనిచేసే సామర్థ్యం కూడా అవసరం. ఆసక్తి, అర్హత కలిగిన అభ్యర్థులు టీసీఎస్ అధికారిక లింక్డ్ఇన్ జాబ్ పోస్టింగ్ ద్వారా నేరుగా దరఖాస్తు చేసుకోవచ్చు. అయితే, ఈ ప్రకటనలో జీతభత్యాల వివరాలను కంపెనీ వెల్లడించలేదు.
