దర్శకుడు, నటుడు తరుణ్ భాస్కర్ ప్రధాన పాత్రలో నటిస్తున్న కొత్త చిత్రం ‘గాయపడ్డ సింహం’. ఈ సినిమా ట్రైలర్‌కు ప్రేక్షకుల నుంచి అద్భుతమైన స్పందన లభిస్తోంది. విడుదలైన కొద్ది సమయంలోనే ఈ ట్రైలర్ యూట్యూబ్‌లో 2 మిలియన్లకు పైగా వ్యూస్‌ను సొంతం చేసుకుని, సినిమాపై అంచనాలను పెంచుతోంది. సోషల్ మీడియాలోనూ ఈ ట్రైలర్ ట్రెండింగ్‌లో నిలిచింది.

ఈ చిత్రంలో తరుణ్ భాస్కర్‌తో పాటు జేడీ చక్రవర్తి మరో కీలక పాత్రలో నటిస్తున్నారు. పవన్ సాధినేని ఈ చిత్రాన్ని సమర్పిస్తుండగా... కశ్యప్ శీనివాస్ దర్శకత్వంలో ఈ సినిమా తెరకెక్కుతోంది. ఉమేష్ కుమార్ బన్సాల్, దివ్య విజయ్ ఈ చిత్రాన్ని నిర్మిస్తున్నారు. "ఇట్స్ ఏ సీరియస్ మ్యాటర్" అనే ట్యాగ్‌లైన్‌తో వస్తున్న ఈ సినిమాపై ప్రేక్షకుల్లో ఆసక్తి నెలకొంది.

ట్రైలర్‌కు వస్తున్న స్పందన చూసి చిత్రబృందం సంతోషం వ్యక్తం చేస్తోంది. యూట్యూబ్‌లో వ్యూస్ సంఖ్య పెరుగుతుండటంతో సినిమాపై పాజిటివ్ బజ్ క్రియేట్ అయింది. అన్ని కార్యక్రమాలు పూర్తి చేసుకుని మే 1న ఈ చిత్రాన్ని థియేటర్లలో విడుదల చేసేందుకు నిర్మాతలు సన్నాహాలు చేస్తున్నారు.
Play video