రష్యా చమురు కొనుగోళ్లపై ఆంక్షల సడలింపు.. అమెరికా మంత్రి కీలక వ్యాఖ్యలు
- రష్యా చమురు కొనుగోళ్లపై నెల రోజుల పాటు ఆంక్షల సడలింపు
- కొరత ఎదుర్కొంటున్న దేశాల అభ్యర్థన మేరకు ఆంక్షలు సడలించినట్లు వెల్లడి
- వివిధ దేశాలు అమెరికాను సంప్రదించాయన్న మంత్రి స్కాట్ బెసెంట్
రష్యా చమురు కొనుగోళ్లపై ఉన్న ఆంక్షలను అమెరికా మరోసారి సడలించడంపై ఆ దేశ ఆర్థిక మంత్రి స్కాట్ బెసెంట్ కీలక వ్యాఖ్యలు చేశారు. చమురు కొరతను ఎదుర్కొంటున్న దేశాల అభ్యర్థన మేరకు ఈ ఆంక్షలను సడలించినట్లు ఆయన తెలిపారు. సముద్రమార్గంలోని రష్యా చమురును వివిధ దేశాలు కొనుగోలు చేయడానికి అనుగుణంగా నెలరోజుల పాటు మినహాయింపును అమెరికా పొడిగించింది.
ఇటీవల జరిగిన ప్రపంచ ఆర్థిక సమావేశాల సమయంలో ఈ సడలింపులపై తమకు అభ్యర్థనలు వచ్చాయని బెసెంట్ వెల్లడించారు. ఇంధన కొరతను ఎదుర్కొంటున్న పదికి పైగా దేశాలు అమెరికాను సంప్రదించి, రష్యా చమురుపై ఆంక్షలను సడలించాలని కోరినట్లు వెల్లడించారు. ఈ కారణంగానే ఆంక్షల సడలింపును మరో నెల రోజులు పొడిగించినట్లు చెప్పారు.
ఇరాన్‌తో దాదాపు రెండు నెలలుగా యుద్ధం కొనసాగుతోంది. ఈ నేపథ్యంలో రష్యా నుంచి చమురు కొనుగోలు చేయడానికి భారత్‌ సహా అన్ని దేశాలకు అమెరికా అనుమతినిచ్చింది. తొలుత ఈ మినహాయింపులు పొడిగించమని చెప్పిన అమెరికా, ఆ తర్వాత నెల రోజుల పాటు కొనుగోలుకు ఊరట కల్పించింది. అంతర్జాతీయ మార్కెట్‌లో చమురు రవాణాకు అడ్డంకులు తొలగించడానికి, ధరల స్థిరీకరణకు ఈ చర్యలు తీసుకున్నట్లు బెసెంట్ తెలిపారు.
ఇటీవల జరిగిన ప్రపంచ ఆర్థిక సమావేశాల సమయంలో ఈ సడలింపులపై తమకు అభ్యర్థనలు వచ్చాయని బెసెంట్ వెల్లడించారు. ఇంధన కొరతను ఎదుర్కొంటున్న పదికి పైగా దేశాలు అమెరికాను సంప్రదించి, రష్యా చమురుపై ఆంక్షలను సడలించాలని కోరినట్లు వెల్లడించారు. ఈ కారణంగానే ఆంక్షల సడలింపును మరో నెల రోజులు పొడిగించినట్లు చెప్పారు.
ఇరాన్‌తో దాదాపు రెండు నెలలుగా యుద్ధం కొనసాగుతోంది. ఈ నేపథ్యంలో రష్యా నుంచి చమురు కొనుగోలు చేయడానికి భారత్‌ సహా అన్ని దేశాలకు అమెరికా అనుమతినిచ్చింది. తొలుత ఈ మినహాయింపులు పొడిగించమని చెప్పిన అమెరికా, ఆ తర్వాత నెల రోజుల పాటు కొనుగోలుకు ఊరట కల్పించింది. అంతర్జాతీయ మార్కెట్‌లో చమురు రవాణాకు అడ్డంకులు తొలగించడానికి, ధరల స్థిరీకరణకు ఈ చర్యలు తీసుకున్నట్లు బెసెంట్ తెలిపారు.
