టీటీడీకి ఎలక్ట్రిక్ వాహనం విరాళం

తిరుమల తిరుపతి దేవస్థానం (టీటీడీ)కు ఓ ఎలక్ట్రిక్ ద్విచక్ర వాహనం విరాళంగా అందింది. తిరుపతికి చెందిన వీఎన్ మొబైల్స్ సంస్థ ఈ వాహనాన్ని అందజేసింది. దీని విలువ సుమారు రూ.95 వేలు అని సంస్థ ప్రతినిధులు తెలిపారు.

తిరుమలలోని శ్రీవారి ఆలయం ఎదుట ఈ కార్యక్రమం జరిగింది. వీఎన్ మొబైల్స్ సంస్థ వ్యవస్థాపకులైన అప్పల నాయుడు, వెంకట రమణ వాహనానికి ప్రత్యేక పూజలు నిర్వహించారు. అనంతరం, ఫ్రాన్క్లిన్ ఈవీ బైక్ తాళాలను టీటీడీ సూపరింటెండెంట్ శ్రీనివాసులుకు అందజేశారు.

ఈ కార్యక్రమంలో దేవస్థానం డీఐ శ్రీ కృష్ణయ్య పాల్గొన్నారు. టీటీడీ అవసరాల నిమిత్తం ఈ వాహనాన్ని వినియోగించనున్నారు.