Donald Trump: ట్రంప్ మరో సంచలనం: ఇన్కం టాక్స్ రద్దు.. విదేశీ వస్తువులపై పన్నులతోనే పాలన!
- రెండోసారి అధ్యక్షుడిగా తొలి స్టేట్ ఆఫ్ ది యూనియన్ ప్రసంగం
- విదేశీ దిగుమతులపై 15 శాతం గ్లోబల్ టారిఫ్ విధింపు
- ఆదాయపు పన్ను స్థానంలో టారిఫ్ ల ద్వారా ఆదాయ సమీకరణ యోచన
- ఇరాన్తో ఉద్రిక్తతల నేపథ్యంలో తీవ్ర హెచ్చరికల జారీ
- నవంబర్ మిడ్ టర్మ్ ఎన్నికలే లక్ష్యంగా ట్రంప్ ప్రసంగం
అమెరికా అధ్యక్షుడు డొనాల్డ్ ట్రంప్ తన రెండో విడత పదవీకాలంలో తొలిసారిగా కాంగ్రెస్ను ఉద్దేశించి ప్రసంగించారు (స్టేట్ ఆఫ్ ది యూనియన్). ఈ సందర్భంగా తన ప్రభుత్వ విధానాలను స్పష్టం చేస్తూ అంతర్జాతీయంగా కీలక పరిణామాలపై ఘాటు వ్యాఖ్యలు చేశారు. నవంబర్లో జరగనున్న మధ్యంతర ఎన్నికలను దృష్టిలో ఉంచుకుని ఆయన ప్రసంగం సాగింది.
కొన్ని రోజుల క్రితం ట్రంప్ విధించిన టారిఫ్లను అమెరికా సుప్రీంకోర్టు కొట్టివేసిన సంగతి తెలిసిందే. ఈ తీర్పును అధిగమించేందుకు ట్రంప్ సర్కార్ ట్రేడ్ యాక్ట్ 1974లోని మరో సెక్షన్ను ఉపయోగించి అన్ని దేశాల దిగుమతులపై తాత్కాలికంగా 15 శాతం గ్లోబల్ టారిఫ్ విధించింది. తన ప్రసంగంలో ఈ నిర్ణయాన్ని సమర్థించుకున్న ట్రంప్ అమెరికా పౌరులపై ఆదాయపు పన్ను భారం తగ్గించి విదేశీ దిగుమతులపై సుంకాల ద్వారానే ప్రభుత్వానికి ఆదాయం సమకూర్చాలన్నది తన లక్ష్యమని పునరుద్ఘాటించారు.
మరోవైపు, ఇరాన్తో పెరుగుతున్న ఉద్రిక్తతల నేపథ్యంలో ఆయన తీవ్ర స్వరంతో మాట్లాడారు. అవసరమైతే ఇరాన్పై సైనిక చర్యకు వెనుకాడబోమని హెచ్చరించారు. ఈ వ్యాఖ్యలతో అంతర్జాతీయంగా ఆందోళనలు వ్యక్తమవుతున్నాయి. ట్రంప్ విధించిన ఈ 15 శాతం టారిఫ్ 150 రోజుల పాటు తాత్కాలికంగా అమల్లో ఉంటుంది. ఆ తర్వాత దీనిని పొడిగించాలంటే కాంగ్రెస్ ఆమోదం తప్పనిసరి. ఈ కొత్త టారిఫ్ల వల్ల భారత్ సహా అనేక దేశాల ఎగుమతులపై ప్రభావం పడనుండటంతో వాణిజ్య వర్గాల్లో చర్చ మొదలైంది.
కొన్ని రోజుల క్రితం ట్రంప్ విధించిన టారిఫ్లను అమెరికా సుప్రీంకోర్టు కొట్టివేసిన సంగతి తెలిసిందే. ఈ తీర్పును అధిగమించేందుకు ట్రంప్ సర్కార్ ట్రేడ్ యాక్ట్ 1974లోని మరో సెక్షన్ను ఉపయోగించి అన్ని దేశాల దిగుమతులపై తాత్కాలికంగా 15 శాతం గ్లోబల్ టారిఫ్ విధించింది. తన ప్రసంగంలో ఈ నిర్ణయాన్ని సమర్థించుకున్న ట్రంప్ అమెరికా పౌరులపై ఆదాయపు పన్ను భారం తగ్గించి విదేశీ దిగుమతులపై సుంకాల ద్వారానే ప్రభుత్వానికి ఆదాయం సమకూర్చాలన్నది తన లక్ష్యమని పునరుద్ఘాటించారు.
మరోవైపు, ఇరాన్తో పెరుగుతున్న ఉద్రిక్తతల నేపథ్యంలో ఆయన తీవ్ర స్వరంతో మాట్లాడారు. అవసరమైతే ఇరాన్పై సైనిక చర్యకు వెనుకాడబోమని హెచ్చరించారు. ఈ వ్యాఖ్యలతో అంతర్జాతీయంగా ఆందోళనలు వ్యక్తమవుతున్నాయి. ట్రంప్ విధించిన ఈ 15 శాతం టారిఫ్ 150 రోజుల పాటు తాత్కాలికంగా అమల్లో ఉంటుంది. ఆ తర్వాత దీనిని పొడిగించాలంటే కాంగ్రెస్ ఆమోదం తప్పనిసరి. ఈ కొత్త టారిఫ్ల వల్ల భారత్ సహా అనేక దేశాల ఎగుమతులపై ప్రభావం పడనుండటంతో వాణిజ్య వర్గాల్లో చర్చ మొదలైంది.
