Kaja Kallas: యూరోపియన్ ఆర్మీ ఏర్పాటు ప్రమాదకరం: ఈయూ ఫారిన్ పాలసీ చీఫ్

యూరోపియన్ ఆర్మీ ఏర్పాటు అంశంపై ఈయూ ఫారిన్ పాలసీ చీఫ్ కాజా కల్లాస్ స్పందించారు. గ్రీన్‌లాండ్ అంశంలో అమెరికా, యూరోపియన్ యూనియన్ మధ్య విభేదాలు తలెత్తిన విషయం తెలిసిందే. ఈ నేపథ్యంలో యూరోపియన్ ఆర్మీ అంశంపై చర్చ సాగుతోంది. అయితే, యూరోపియన్ ఆర్మీ ఏర్పాటు చాలా ప్రమాదకరమని ఈయూ ఫారిన్ పాలసీ చీఫ్ హెచ్చరించారు. యూరోపియన్ ఆర్మీ అవసరమని చెప్పేవారు ప్రాక్టికల్‌గా ఆలోచించి ఉండరని వ్యాఖ్యానించారు.

యూరప్ దేశాలు ఇప్పటికే నాటోలో ఉన్న నేపథ్యంలో, ఒక ప్రత్యేక సైన్యాన్ని సృష్టించలేరని అన్నారు. యుద్ధం వంటి సంక్షోభ సమయాల్లో ఎవరు ఎవరికి ఆదేశాలు జారీ చేస్తారనేది ముఖ్యమైన అంశమని అన్నారు. ఒకవేళ నాటో, యూరోపియన్ ఆర్మీ రెండూ ఉంటే అప్పుడు పరిస్థితి గందరగోళంగా మారుతుందని అన్నారు. ఇది అత్యంత ప్రమాదకరమని వ్యాఖ్యానించారు.