Abhishek Sharma: యువీ పాజీ ఆరోజే చెప్పారు.. రెండేళ్లలో నిజమైంది: అభిషేక్ శర్మ
- ఆసియా కప్లో అదరగొట్టిన యంగ్ సెన్సేషన్ అభిషేక్ శర్మ
- తన విజయం వెనుక యువరాజ్ సింగ్ ఉన్నారని వెల్లడి
- లాక్డౌన్ సమయంలో యువీ దగ్గర ప్రత్యేక శిక్షణ తీసుకున్న వైనం
- భారత్కు మ్యాచ్లు గెలిపిస్తావని యువీ ముందే చెప్పాడన్న అభిషేక్
- వీడియోలు విశ్లేషిస్తూ గంటల తరబడి శిక్షణ ఇచ్చిన యువీ
ఇటీవల ముగిసిన ఆసియా కప్లో ‘ప్లేయర్ ఆఫ్ ది టోర్నమెంట్’గా నిలిచి టీమిండియా విజయంలో కీలక పాత్ర పోషించిన యువ బ్యాటర్ అభిషేక్ శర్మ తన విజయం వెనుక ఉన్న రహస్యాన్ని వెల్లడించాడు. భారత మాజీ దిగ్గజం యువరాజ్ సింగ్ మార్గనిర్దేశనమే తనను ఈ స్థాయికి తీసుకొచ్చిందని, ఆయన రెండేళ్ల క్రితం చెప్పిన జోస్యం ఇప్పుడు నిజమైందని అభిషేక్ గుర్తుచేసుకున్నాడు.
ఒకానొక దశలో ఐపీఎల్లో తుది జట్టులో చోటు దక్కించుకోవడానికి కూడా తాను ఇబ్బంది పడ్డానని అభిషేక్ తెలిపాడు. "నా వయసు వాడైన శుభ్మన్ గిల్ అప్పటికే భారత్ తరఫున ఆడుతున్నాడు. నేను మాత్రం వెనుకబడిపోయాననే భావనలో ఉండేవాడిని. సరిగ్గా ఆ సమయంలోనే లాక్డౌన్లో యువరాజ్ పాజీ దగ్గర శిక్షణ తీసుకున్నాను" అని అభిషేక్ చెప్పాడు. తనతో పాటు శుభ్మన్, ప్రభ్సిమ్రన్, అన్మోల్ప్రీత్ కూడా ఆ క్యాంపులో పాల్గొన్నారని పేర్కొన్నాడు.
ఆ శిక్షణ సమయంలో యువరాజ్ తనతో అన్న మాటలను అభిషేక్ గుర్తుచేసుకున్నాడు. "ఒకరోజు యువీ పాజీ నాతో మాట్లాడుతూ.. ‘నిన్ను నేను రాష్ట్రం కోసమో, ఐపీఎల్ కోసమో, లేక టీమిండియాలో చోటు సంపాదించడం కోసమో సిద్ధం చేయడం లేదు. భారత్కు మ్యాచ్లు గెలిపించే ఆటగాడిగా తీర్చిదిద్దుతున్నా. ఈ మాట రాసి పెట్టుకో.. మరో రెండేళ్లలో ఇది జరిగి తీరుతుంది’ అని ఎంతో నమ్మకంగా చెప్పారు. ఆ మాటలే నా లక్ష్యాన్ని మార్చేశాయి" అని అభిషేక్ వివరించాడు.
తన ఆటను మెరుగుపరచడానికి యువరాజ్ ఎంతో శ్రమించారని అభిషేక్ తెలిపాడు. "మా బ్యాటింగ్ వీడియోలను గంటల తరబడి చూసి, అందులోని లోపాలను నోట్స్లో రాసుకునేవారు. పాత, కొత్త వీడియోల స్క్రీన్షాట్లు తీసి తేడాలను విశ్లేషించి చెప్పేవారు. ప్రాక్టీస్ సమయంలో ఐదు గంటలకు పైగా మాతో పాటే ఉండేవారు. యువీ పాజీ ఇంత లోతుగా విశ్లేషిస్తారని చాలా మందికి తెలియదు" అని అభిషేక్ పేర్కొన్నాడు. కష్టకాలంలో యువరాజ్ ఇచ్చిన భరోసా, శిక్షణ వల్లే తాను ఈరోజు మ్యాచ్ విన్నర్గా నిలబడగలిగానని ఆయన స్పష్టం చేశాడు.
ఒకానొక దశలో ఐపీఎల్లో తుది జట్టులో చోటు దక్కించుకోవడానికి కూడా తాను ఇబ్బంది పడ్డానని అభిషేక్ తెలిపాడు. "నా వయసు వాడైన శుభ్మన్ గిల్ అప్పటికే భారత్ తరఫున ఆడుతున్నాడు. నేను మాత్రం వెనుకబడిపోయాననే భావనలో ఉండేవాడిని. సరిగ్గా ఆ సమయంలోనే లాక్డౌన్లో యువరాజ్ పాజీ దగ్గర శిక్షణ తీసుకున్నాను" అని అభిషేక్ చెప్పాడు. తనతో పాటు శుభ్మన్, ప్రభ్సిమ్రన్, అన్మోల్ప్రీత్ కూడా ఆ క్యాంపులో పాల్గొన్నారని పేర్కొన్నాడు.
ఆ శిక్షణ సమయంలో యువరాజ్ తనతో అన్న మాటలను అభిషేక్ గుర్తుచేసుకున్నాడు. "ఒకరోజు యువీ పాజీ నాతో మాట్లాడుతూ.. ‘నిన్ను నేను రాష్ట్రం కోసమో, ఐపీఎల్ కోసమో, లేక టీమిండియాలో చోటు సంపాదించడం కోసమో సిద్ధం చేయడం లేదు. భారత్కు మ్యాచ్లు గెలిపించే ఆటగాడిగా తీర్చిదిద్దుతున్నా. ఈ మాట రాసి పెట్టుకో.. మరో రెండేళ్లలో ఇది జరిగి తీరుతుంది’ అని ఎంతో నమ్మకంగా చెప్పారు. ఆ మాటలే నా లక్ష్యాన్ని మార్చేశాయి" అని అభిషేక్ వివరించాడు.
తన ఆటను మెరుగుపరచడానికి యువరాజ్ ఎంతో శ్రమించారని అభిషేక్ తెలిపాడు. "మా బ్యాటింగ్ వీడియోలను గంటల తరబడి చూసి, అందులోని లోపాలను నోట్స్లో రాసుకునేవారు. పాత, కొత్త వీడియోల స్క్రీన్షాట్లు తీసి తేడాలను విశ్లేషించి చెప్పేవారు. ప్రాక్టీస్ సమయంలో ఐదు గంటలకు పైగా మాతో పాటే ఉండేవారు. యువీ పాజీ ఇంత లోతుగా విశ్లేషిస్తారని చాలా మందికి తెలియదు" అని అభిషేక్ పేర్కొన్నాడు. కష్టకాలంలో యువరాజ్ ఇచ్చిన భరోసా, శిక్షణ వల్లే తాను ఈరోజు మ్యాచ్ విన్నర్గా నిలబడగలిగానని ఆయన స్పష్టం చేశాడు.
