Ketireddy Peddareddy: జేసీ ముండమోపి రాజకీయాలు చేస్తున్నాడు: కేతిరెడ్డి
అనంతపురం జిల్లా తాడిపత్రిలో రాజకీయ వాతావరణం మరోసారి వేడెక్కింది. తాడిపత్రి మున్సిపల్ ఛైర్మన్, టీడీపీ నేత జేసీ ప్రభాకర్ రెడ్డిపై వైఎస్సార్ కాంగ్రెస్ పార్టీ నాయకులు తీవ్ర ఆరోపణలు చేస్తూ జిల్లా ఎస్పీ జగదీష్కు ఈరోజు ఫిర్యాదు చేశారు. వైసీపీ జిల్లా అధ్యక్షుడు అనంత వెంకట్రామిరెడ్డి, తాడిపత్రి మాజీ ఎమ్మెల్యే కేతిరెడ్డి పెద్దారెడ్డి, మాజీ ఎమ్మెల్యే విశ్వేశ్వర్ రెడ్డి, మాజీ ఎంపీ గోరంట్ల మాధవ్ తదితరులు ఎస్పీ కార్యాలయానికి వెళ్లి తమ ఫిర్యాదును అందజేశారు.
ఈ సందర్భంగా మాజీ ఎమ్మెల్యే కేతిరెడ్డి పెద్దారెడ్డి మాట్లాడుతూ, హైకోర్టు అనుమతి ఇచ్చినప్పటికీ పోలీసులు తనను తాడిపత్రి నియోజకవర్గంలోకి అడుగుపెట్టనీయడం లేదని ఆవేదన వ్యక్తం చేశారు. "నన్ను తాడిపత్రి వెళ్లేందుకు హైకోర్టు అనుమతించింది. నాకు భద్రత కల్పించాలని రెండు నెలల క్రితమే ఉన్నత న్యాయస్థానం పోలీసులను ఆదేశించింది. అయినా ఆ ఉత్తర్వులను అమలు చేయడం లేదు" అని ఆయన తెలిపారు. జేసీ ప్రభాకర్ రెడ్డి కక్షపూరితంగా వ్యవహరిస్తున్నారని, "వైఎస్సార్సీపీ కార్యకర్తలను రపా.. రపా.. నరుకుతా" అంటూ బహిరంగంగా బెదిరింపులకు పాల్పడుతున్నారని కేతిరెడ్డి ఆరోపించారు.
తాను ఎమ్మెల్యేగా ఉన్నప్పుడు తాడిపత్రిలో శాంతియుత వాతావరణం ఉండేదని, ఇప్పుడు జేసీ ప్రభాకర్ రెడ్డి "ముండమోపి రాజకీయాలు" చేస్తూ హింసను ప్రేరేపిస్తున్నారని విమర్శించారు. తన మద్దతుదారులపై దాడులు జరుగుతున్నా పోలీసులు పట్టించుకోవడం లేదని, కేవలం ఒక మున్సిపల్ ఛైర్మన్ చెబితే పోలీసులు నడుచుకోవడం సరికాదని అన్నారు. తనపై చేస్తున్న ఆరోపణలపై జేసీ ప్రభాకర్ రెడ్డితో బహిరంగ చర్చకు సిద్ధంగా ఉన్నానని ఆయన సవాల్ విసిరారు.
వైసీపీ జిల్లా అధ్యక్షుడు అనంత వెంకట్రామిరెడ్డి మాట్లాడుతూ, కేతిరెడ్డి పెద్దారెడ్డిపై రాజకీయ కక్ష సాధింపు చర్యలకు పాల్పడటం దారుణమని అన్నారు. హైకోర్టు ఆదేశాలు స్పష్టంగా ఉన్నా పోలీసులు వాటిని అమలు చేయకపోవడంపై ఆయన ఆగ్రహం వ్యక్తం చేశారు. రాష్ట్రవ్యాప్తంగా "రీకాలింగ్ చంద్రబాబు మేనిఫెస్టో" అనే కార్యక్రమాన్ని నిర్వహిస్తున్నామని, అందులో భాగంగా తాడిపత్రిలో కూడా ఈ కార్యక్రమం చేపట్టాల్సి ఉందని తెలిపారు.
"తాడిపత్రిలో నియంత పాలన కొనసాగుతోంది. మాజీ ఎమ్మెల్యే కేతిరెడ్డిపై ఏవైనా ఆంక్షలు ఉంటే లిఖితపూర్వకంగా ఇవ్వాలి. పార్టీ కార్యక్రమాల నిర్వహణ కోసం ఆయన్ను వెంటనే నియోజకవర్గంలోకి అనుమతించాలి" అని వెంకట్రామిరెడ్డి డిమాండ్ చేశారు. ఈ ఫిర్యాదుపై ఎస్పీ సానుకూలంగా స్పందించి, తగిన చర్యలు తీసుకుంటామని హామీ ఇచ్చినట్లు వైసీపీ నేతలు తెలిపారు.
ఈ సందర్భంగా మాజీ ఎమ్మెల్యే కేతిరెడ్డి పెద్దారెడ్డి మాట్లాడుతూ, హైకోర్టు అనుమతి ఇచ్చినప్పటికీ పోలీసులు తనను తాడిపత్రి నియోజకవర్గంలోకి అడుగుపెట్టనీయడం లేదని ఆవేదన వ్యక్తం చేశారు. "నన్ను తాడిపత్రి వెళ్లేందుకు హైకోర్టు అనుమతించింది. నాకు భద్రత కల్పించాలని రెండు నెలల క్రితమే ఉన్నత న్యాయస్థానం పోలీసులను ఆదేశించింది. అయినా ఆ ఉత్తర్వులను అమలు చేయడం లేదు" అని ఆయన తెలిపారు. జేసీ ప్రభాకర్ రెడ్డి కక్షపూరితంగా వ్యవహరిస్తున్నారని, "వైఎస్సార్సీపీ కార్యకర్తలను రపా.. రపా.. నరుకుతా" అంటూ బహిరంగంగా బెదిరింపులకు పాల్పడుతున్నారని కేతిరెడ్డి ఆరోపించారు.
తాను ఎమ్మెల్యేగా ఉన్నప్పుడు తాడిపత్రిలో శాంతియుత వాతావరణం ఉండేదని, ఇప్పుడు జేసీ ప్రభాకర్ రెడ్డి "ముండమోపి రాజకీయాలు" చేస్తూ హింసను ప్రేరేపిస్తున్నారని విమర్శించారు. తన మద్దతుదారులపై దాడులు జరుగుతున్నా పోలీసులు పట్టించుకోవడం లేదని, కేవలం ఒక మున్సిపల్ ఛైర్మన్ చెబితే పోలీసులు నడుచుకోవడం సరికాదని అన్నారు. తనపై చేస్తున్న ఆరోపణలపై జేసీ ప్రభాకర్ రెడ్డితో బహిరంగ చర్చకు సిద్ధంగా ఉన్నానని ఆయన సవాల్ విసిరారు.
వైసీపీ జిల్లా అధ్యక్షుడు అనంత వెంకట్రామిరెడ్డి మాట్లాడుతూ, కేతిరెడ్డి పెద్దారెడ్డిపై రాజకీయ కక్ష సాధింపు చర్యలకు పాల్పడటం దారుణమని అన్నారు. హైకోర్టు ఆదేశాలు స్పష్టంగా ఉన్నా పోలీసులు వాటిని అమలు చేయకపోవడంపై ఆయన ఆగ్రహం వ్యక్తం చేశారు. రాష్ట్రవ్యాప్తంగా "రీకాలింగ్ చంద్రబాబు మేనిఫెస్టో" అనే కార్యక్రమాన్ని నిర్వహిస్తున్నామని, అందులో భాగంగా తాడిపత్రిలో కూడా ఈ కార్యక్రమం చేపట్టాల్సి ఉందని తెలిపారు.
"తాడిపత్రిలో నియంత పాలన కొనసాగుతోంది. మాజీ ఎమ్మెల్యే కేతిరెడ్డిపై ఏవైనా ఆంక్షలు ఉంటే లిఖితపూర్వకంగా ఇవ్వాలి. పార్టీ కార్యక్రమాల నిర్వహణ కోసం ఆయన్ను వెంటనే నియోజకవర్గంలోకి అనుమతించాలి" అని వెంకట్రామిరెడ్డి డిమాండ్ చేశారు. ఈ ఫిర్యాదుపై ఎస్పీ సానుకూలంగా స్పందించి, తగిన చర్యలు తీసుకుంటామని హామీ ఇచ్చినట్లు వైసీపీ నేతలు తెలిపారు.