కింగ్ కోబ్రాల సయ్యాట చూస్తారా.. వీడియో ఇదిగో!

ఆంధ్రప్రదేశ్ లోని పార్వతీపురం మన్యం జిల్లాలో శుక్రవారం ఓ అరుదైన సంఘటన చోటుచేసుకుంది. స్థానిక కురుపాం ఇంజనీరింగ్ కాలేజ్ సమీపంలోకి రెండు కింగ్ కోబ్రాలు వచ్చాయి. ఒక్కోటి 15 అడుగుల పొడవున్న ఈ పాములు పెనవేసుకుని సయ్యాటలాడుతూ పరిసరాలు మరిచిపోయాయి. డిస్టర్బ్ చేయాలని ఓ టవల్ ను వాటిపైకి విసిరినా పట్టించుకోలేదు. దాదాపు అరగంట పాటు సయ్యాటలో మునిగితేలాయి. 

కొంతమంది ఈ సయ్యాటను తమ సెల్ ఫోన్లలో బంధించారు. ఆ వీడియోలను సోషల్ మీడియాలో పోస్ట్ చేయడంతో అవికాస్తా వైరల్ గా మారాయి. అయితే, జనావాసాల్లో ఇలాంటి పాములు సంచరించడం ప్రమాదకరమని, వాటిని పట్టుకుని దూరంగా వదిలేసేందుకు స్నేక్ క్యాచర్స్ గాలిస్తున్నారు.