ఏటీఎంలో ఈ 5 తప్పులు చేస్తున్నారా? మీ బ్యాంకు ఖాతా ఖాళీ కావచ్చు!
- ఏటీఎం పిన్‌ను ఎవరికీ చెప్పినా ప్రమాదమే
- అపరిచితుల చేతికి కార్డు ఇవ్వకపోవడం మేలు
- నగదు, కార్డు రెండూ తీసుకున్నాకే ఏటీఎం నుంచి వెళ్లాలి
- యంత్రంలో అనుమానాస్పద పరికరాలు ఉంటే వాడొద్దు
- పిన్‌ నమోదు చేసేటప్పుడు కీప్యాడ్‌ను చేత్తో కప్పి ఉంచాలి
ఏటీఎంలో డబ్బులు తీసుకోవడం చాలామందికి రోజువారీ అలవాటే. అయితే చిన్న నిర్లక్ష్యం వల్ల బ్యాంకు ఖాతాలోని డబ్బుతో పాటు వ్యక్తిగత వివరాలూ మోసగాళ్ల చేతికి చిక్కే ప్రమాదం ఉంది. ఏటీఎం కార్డు వివరాలు దొంగిలించడం నుంచి పిన్‌ తెలుసుకుని నగదు కాజేయడం వరకు నేరగాళ్లు రకరకాల పద్ధతులు అనుసరిస్తున్నారు. అందుకే ఏటీఎం ఉపయోగించేటప్పుడు ఈ ఐదు తప్పులు చేయకుండా జాగ్రత్తపడాలని టైమ్స్‌ ఆఫ్‌ ఇండియా సూచించింది.
1. ఏటీఎం పిన్‌ను ఇతరులకు చెప్పడం
మీ ఏటీఎం పిన్‌ను ఎవరికీ చెప్పకూడదు. బ్యాంకు సిబ్బందినని చెప్పినా, లావాదేవీకి సాయం చేస్తానని ముందుకొచ్చినా పిన్‌ వివరాలు వెల్లడించకండి. పిన్‌ నమోదు చేసేటప్పుడు మరో చేత్తో కీప్యాడ్‌ను కప్పి ఉంచాలి. ఫోన్‌ కాల్‌ లేదా సందేశం ద్వారా పిన్‌ అడిగినా ఇవ్వకూడదు.
2. అపరిచితులకు కార్డు ఇవ్వడం
ఏటీఎంలో కార్డు ఇరుక్కుపోయినా, యంత్రం పనిచేయకపోయినా అపరిచితుల సాయం తీసుకోవద్దు. కార్డును వారి చేతికి ఇవ్వకండి. బ్యాంకు అధికారిక కస్టమర్‌ కేర్‌ నంబర్‌కు ఫోన్‌ చేసి సమస్యను పరిష్కరించుకోవాలి. సాయం పేరుతో పిన్‌ తెలుసుకుని, కార్డును మార్చేసి మోసాలకు పాల్పడే అవకాశముంది.
3. నగదు, కార్డు తీసుకున్నామో లేదో చూసుకోకపోవడం
తొందరలో ఏటీఎం నుంచి డబ్బులు తీసుకున్నాక కార్డును అక్కడే మరిచిపోయే ప్రమాదముంది. వెళ్లే ముందు నగదు, కార్డు రెండూ తీసుకున్నామో లేదో తనిఖీ చేసుకోవాలి. ఖాతాలో డబ్బులు కట్‌ అయినా నగదు రాకపోతే లావాదేవీ వివరాలను నమోదు చేసుకుని వెంటనే బ్యాంకుకు ఫిర్యాదు చేయాలి.
4. అనుమానాస్పద ఏటీఎంను ఉపయోగించడం
కార్డు పెట్టే చోట అదనపు పరికరాలు కనిపించినా, కీప్యాడ్‌ వదులుగా ఉన్నా, యంత్రంలో ఏవైనా అసాధారణ మార్పులు కనిపించినా ఆ ఏటీఎంను ఉపయోగించకపోవడం మంచిది. నేరగాళ్లు కార్డు వివరాలను దొంగిలించేందుకు స్కిమ్మింగ్‌ పరికరాలను అమర్చే అవకాశం ఉంది. అలాంటివి కనిపిస్తే బ్యాంకుకు సమాచారం ఇవ్వాలి.
5. లావాదేవీ పూర్తికాకముందే వెళ్లిపోవడం
డబ్బులు తీసుకున్న వెంటనే తొందరగా బయటకు వెళ్లకుండా, లావాదేవీ పూర్తయిందని యంత్రం నిర్ధారించే వరకు వేచి ఉండాలి. స్క్రీన్‌ నిలిచిపోయినా, యంత్రం అసాధారణంగా పనిచేసినా అధికారిక బ్యాంకింగ్‌ మార్గాల ద్వారా ఖాతాను తనిఖీ చేసి అవసరమైతే బ్యాంకును సంప్రదించాలి.
1. ఏటీఎం పిన్‌ను ఇతరులకు చెప్పడం
మీ ఏటీఎం పిన్‌ను ఎవరికీ చెప్పకూడదు. బ్యాంకు సిబ్బందినని చెప్పినా, లావాదేవీకి సాయం చేస్తానని ముందుకొచ్చినా పిన్‌ వివరాలు వెల్లడించకండి. పిన్‌ నమోదు చేసేటప్పుడు మరో చేత్తో కీప్యాడ్‌ను కప్పి ఉంచాలి. ఫోన్‌ కాల్‌ లేదా సందేశం ద్వారా పిన్‌ అడిగినా ఇవ్వకూడదు.
2. అపరిచితులకు కార్డు ఇవ్వడం
ఏటీఎంలో కార్డు ఇరుక్కుపోయినా, యంత్రం పనిచేయకపోయినా అపరిచితుల సాయం తీసుకోవద్దు. కార్డును వారి చేతికి ఇవ్వకండి. బ్యాంకు అధికారిక కస్టమర్‌ కేర్‌ నంబర్‌కు ఫోన్‌ చేసి సమస్యను పరిష్కరించుకోవాలి. సాయం పేరుతో పిన్‌ తెలుసుకుని, కార్డును మార్చేసి మోసాలకు పాల్పడే అవకాశముంది.
3. నగదు, కార్డు తీసుకున్నామో లేదో చూసుకోకపోవడం
తొందరలో ఏటీఎం నుంచి డబ్బులు తీసుకున్నాక కార్డును అక్కడే మరిచిపోయే ప్రమాదముంది. వెళ్లే ముందు నగదు, కార్డు రెండూ తీసుకున్నామో లేదో తనిఖీ చేసుకోవాలి. ఖాతాలో డబ్బులు కట్‌ అయినా నగదు రాకపోతే లావాదేవీ వివరాలను నమోదు చేసుకుని వెంటనే బ్యాంకుకు ఫిర్యాదు చేయాలి.
4. అనుమానాస్పద ఏటీఎంను ఉపయోగించడం
కార్డు పెట్టే చోట అదనపు పరికరాలు కనిపించినా, కీప్యాడ్‌ వదులుగా ఉన్నా, యంత్రంలో ఏవైనా అసాధారణ మార్పులు కనిపించినా ఆ ఏటీఎంను ఉపయోగించకపోవడం మంచిది. నేరగాళ్లు కార్డు వివరాలను దొంగిలించేందుకు స్కిమ్మింగ్‌ పరికరాలను అమర్చే అవకాశం ఉంది. అలాంటివి కనిపిస్తే బ్యాంకుకు సమాచారం ఇవ్వాలి.
5. లావాదేవీ పూర్తికాకముందే వెళ్లిపోవడం
డబ్బులు తీసుకున్న వెంటనే తొందరగా బయటకు వెళ్లకుండా, లావాదేవీ పూర్తయిందని యంత్రం నిర్ధారించే వరకు వేచి ఉండాలి. స్క్రీన్‌ నిలిచిపోయినా, యంత్రం అసాధారణంగా పనిచేసినా అధికారిక బ్యాంకింగ్‌ మార్గాల ద్వారా ఖాతాను తనిఖీ చేసి అవసరమైతే బ్యాంకును సంప్రదించాలి.
