హైడ్రాపై పురపాలక శాఖ కీలక ఉత్తర్వులు

హైడ్రాపై పురపాలక శాఖ కీలక ఉత్తర్వులు జారీ చేసింది. జీహెచ్ఎంసీ చట్టంలోని విశేషాధికారాలను హైడ్రాకు కల్పిస్తూ ఉత్తర్వులు జారీ చేసింది. ఇటీవలే హైడ్రాకు చట్టబద్ధత కల్పిస్తూ తెలంగాణ ప్రభుత్వం ఆర్డినెన్స్ తీసుకువచ్చింది. ఇప్పుడు పురపాలక శాఖ విశేషాధికారాలు కల్పిస్తూ ఉత్తర్వులు ఇచ్చింది.

హైడ్రా ఏర్పాటుకు హైకోర్టు క్లీన్ చిట్

హైడ్రాకు హైకోర్టు క్లీన్ చిట్ ఇచ్చింది. హైడ్రా పేరుతో జరుగుతున్న కూల్చివేతలపై విపక్షాలు ఆగ్రహం వ్యక్తం చేస్తున్నాయి. హైడ్రా పేరుతో జరుగుతున్న కూల్చివేతలను ఆపివేయాలని హైకోర్టుకు వెళ్లగా... న్యాయస్థానం క్లీన్ చిట్ ఇచ్చింది. హైడ్రా ఏర్పాటును తప్పుపట్టలేమని హైకోర్టు వెల్లడించింది. దీనిని ఏర్పాటు చేసే అధికారం ప్రభుత్వానికి ఉందని స్పష్టం చేసింది. ఈ సందర్భంగా నిజాం కాలంనాటి రెవెన్యూ చట్టాన్ని ప్రస్తావించింది.