హైదరాబాద్‌లో పలు ప్రాంతాల్లో భారీ వర్షం

హైదరాబాద్‌లోని పలు ప్రాంతాల్లో నేడు భారీ వర్షం కురిసింది. సాయంత్రం కురిసిన వర్షానికి నగరంలో పలుచోట్ల ట్రాఫిక్ జామ్ అయింది. ఉదయం వర్షం కాస్త తెరిపిచ్చినప్పటికీ సాయంత్రానికి భారీ వర్షం కురిసింది. మియాపూర్, గచ్చిబౌలి, బంజారాహిల్స్, ఖైరతాబాద్, అమీర్‌పేట తదితర ప్రాంతాల్లో వర్షం కురిసింది.

చాలా ప్రాంతాల్లో రోడ్లు జలమయం కావడంతో వాహనదారులు వెళ్లేందుకు ఇబ్బందులు పడ్డారు. ఆఫీస్‌ల నుంచి బయటకు వచ్చే సమయం కావడంతో ట్రాఫిక్ జామ్ అయింది. వర్షం కారణంగా చాలామంది వర్షంలో తడవకుండా ఫుట్ ఓవర్ బ్రిడ్జి కింద, దుకాణాల ముందు తలదాచుకున్నారు.