చెల్లెలి ఎంగేజ్మెంట్ వేడుకలో సాయి పల్లవి మాస్ డ్యాన్స్.. తాజాగా బయటకొచ్చిన వీడియో ఇదిగో!

ప్రముఖ హీరోయిన్ సాయిపల్లవి సోదరి పూజా కన్నన్ కు ఇటీవల తన ప్రియుడితో నిశ్చితార్థం జరిగింది. ఇరుకుటుంబాల సమక్షంలో సింపుల్ గా జరిగిన ఈ వేడుకకు సంబంధించిన ఫొటోలు రెండు రోజుల తర్వాత బయటకు వచ్చాయి. ఇన్ స్టాలో యాక్టివ్ గా ఉండే పూజా కన్నన్.. ఇటీవలే తన ప్రేమ విషయాన్ని సోషల్ మీడియాలో వెల్లడించింది. తన ప్రియుడిని పరిచయం చేసింది. ఆ వెంటనే ఎంగేజ్మెంట్ కూడా జరగడంతో త్వరలోనే వివాహం జరగనుందని తెలుస్తోంది.

ఈ నెల 21 న జరిగిన ఈ వేడుకకు సంబంధించిన ఫొటోలను పూజ ఇన్ స్టాలో పంచుకుంది. అయితే, ఈ వేడుకకు సంబంధించిన ఓ వీడియో తాజాగా వెలుగుచూసింది. చెల్లెలు ఎంగేజ్మెంట్ వేడుకలో సాయిపల్లవి డ్యాన్స్ చేసిన వీడియోను ఓ అభిమాని ఇన్ స్టాలో పోస్ట్ చేశాడు. దీంతో ఈ వీడియో ప్రస్తుతం సోషల్ మీడియాలో వైరల్ గా మారింది. ఇందులో పూజా కన్నన్ తనకు కాబోయే భర్త, ఇతర బంధువులతో కలిసి డ్యాన్స్ చేస్తుండగా.. సాయిపల్లవి వారితో కలిసి మాస్ డ్యాన్స్ చేయడం చూడొచ్చు.

వీడియో లింక్