'చంద్రముఖి 2' అంతకుమించి ఉంటుంది: డైరెక్టర్ పి.వాసు

ఇప్పుడు అందరి దృష్టి 'చంద్రముఖి 2' సినిమాపైనే ఉంది. పి.వాసు దర్శకత్వం వహించిన ఈ సినిమా, ఈ నెల 28వ తేదీన థియేటర్లకు రానుంది. ఈ నేపథ్యంలో ఈ సినిమా ప్రమోషన్స్ లో టీమ్ బిజీగా ఉంది. తాజా ఇంటర్వ్యూలో దర్శకుడు వాసు .. హీరో లారెన్స్ .. హీరోయిన్ కంగనా పాల్గొన్నారు.

వాసు మాట్లాడుతూ ... 'చంద్రముఖి' సినిమాలో వేట్టై రాజాగా రజనీకాంత్ గారు కనిపించారు. అదే పేరుతో ఈ సినిమాలో లారెన్స్ కనిపిస్తారు. అయితే ఈ రెండు పాత్రల మధ్య వైవిధ్యం ఏమిటనేది సినిమా చూసిన తరువాతనే అర్థమవుతుంది. 'చంద్రముఖి' సినిమాలో క్లైమాక్స్ ఎలా ఉంటుందో, ఈ సినిమాలో ఇంటర్వెల్ బ్యాంగ్ నే ఆ రేంజ్ లో ఉంటుంది .. అందరికీ గూస్ బంప్స్ వచ్చేస్తాయి" అని అన్నారు. 

'చంద్రముఖి' సినిమాలో ఆమె ఎవరిని ఆవహిస్తుంది అనే విషయంలో ఆడియన్స్ లో ఉత్కంఠను పెంచడం జరిగింది. ఈ సినిమాలో అంతకు ఏ మాత్రం తగ్గని సస్పెన్స్ ఉంటుంది. 'చంద్రముఖి 2' కంగనా అని తెలిసినా కథ నెక్స్ట్ లెవెల్లోనే వెళుతుంది. సినిమా చూస్తున్న ప్రతి ప్రేక్షకుడిలో ఒక కథ రన్ అవుతూ ఉంటుంది. ఫస్టు ఆఫ్ ను మించి సెకండాఫ్ ఉంటుంది" అంటూ చెప్పుకొచ్చారు.