'మాన్షన్ 24' నుంచి రావు రమేశ్ ఇంట్రెస్టింగ్ లుక్!

త్వరలో హాట్ స్టార్ ట్రాక్ పైకి ఒక భారీ వెబ్ సిరీస్ రానుంది. మిస్టరీ థ్రిల్లర్ జోనర్లో నడిచే ఆ వెబ్ సిరీస్ పేరే 'మాన్షన్ 24'. హారర్ థ్రిల్లర్ జోనర్లో సినిమాలు చేయడంలో మంచి ప్రవేశం ఉన్న ఓంకార్ ఈ సిరీస్ ను రూపొందించాడు. హాట్ స్టార్ వేదిక ద్వారా త్వరలో ఈ సిరీస్ పలకరించనుంది.

ఈ సిరీస్ నుంచి ఇంతవరకూ వరలక్ష్మి శరత్ కుమార్ .. సత్యరాజ్ .. అవికా గోర్ పాత్రలకు సంబంధించిన పోస్టర్స్ ను వదిలారు. తాజాగా రావు రమేశ్ లుక్ కి సంబంధించిన పోస్టర్ ను రిలీజ్ చేశారు. ఒక కన్నుతో మాత్రమే చూడగలిగే ఒక పల్లెటూరి వ్యక్తి పాత్రలో ఆయన కనిపిస్తున్నాడు. లాంతరు వెలుగులో దేనినో చూసి ఆయన ఆశ్చర్యపోవడం ఈ పోస్టర్ లో కనిపిస్తోంది. 

నిర్మాణ విలువ పరంగా హాట్ స్టార్ వారు వెనకడుగు వేయలేదని తెలుస్తోంది. ఫొటోగ్రఫీ ఈ సిరీస్ కి హైలైట్ గా నిలవనుందనే విషయం అర్థమవుతోంది. ఇతర ముఖ్యమైన పాత్రలలో బిందుమాధవి .. తులసి .. మీనా కుమారి .. విద్యుల్లేఖ రామన్ .. అభినయ .. రాజీవ్ కనకాల కనిపించనున్నారు.