ఒకే వేదికపైకి చిరంజీవి, బాలకృష్ణ?.. మోగా, నందమూరి ఫ్యాన్స్ కు పండగే!

సినీ నటుడు, ఎమ్మెల్యే బాలకృష్ణ హోస్ట్ చేస్తున్న అన్ స్టాపబుల్ షో ఎంతటి ప్రేక్షకాదరణ పొందిందో ప్రత్యేకంగా చెప్పుకోవాల్సిన అవసరం లేదు. ఓటీటీ ప్లాట్ ఫామ్ లో ఈ షో సెన్సేషన్ క్రియేట్ చేసింది. ఎంతో మంది సెలబ్రిటీలతో తన షో ద్వారా ఎన్నో ఆసక్తికర విషయాలను బాలయ్య చెప్పించారు. టీడీపీ అధినేత చంద్రబాబు సైతం ఈ షోకు హాజరై పలు విషయాలపై స్పందించారు. పవన్ కల్యాణ్, మహేశ్ బాబు, ప్రభాస్ తదితర స్టార్లను బాలయ్య ఇంటర్వ్యూ చేశారు. 

తాజాగా ఈ షోకు సంబంధించి ఓ వార్త వైరల్ అవుతోంది. మెగాస్టార్ చిరంజీవి ఈ షోకు హాజరవుతున్నారనేదే ఆ వార్త. టాలీవుడ్ లో అగ్రనటులైన చిరంజీవి, బాలకృష్ణ ఒకే వేదికపై కనిపిస్తే ఇక ప్రేక్షకులకు పండగే అని చెప్పడం అతిశయోక్తి కాదు. ఒకవేళ చిరంజీవి ఈ షోకు హాజరైతే... ఆయనకు బాలయ్య ఎలాంటి ప్రశ్నలు వేస్తారు? ఎలాంటి సరికొత్త విషయాలను ఆయనతో చెప్పిస్తారు? అనేది ఆసక్తిని రేకెత్తిస్తోంది.