Allu Arjun: నల్గొండలో కంచర్ల కన్వెన్షన్ సెంటర్ కు ప్రారంభోత్సవం చేసిన అల్లు అర్జున్
- నేడు నల్గొండలో సందడి చేసిన బన్నీ
- నూతనంగా నిర్మించిన కన్వెన్షన్ సెంటర్ కు రిబ్బన్ కట్ చేసిన ఐకాన్ స్టార్
- గజమాలతో స్వాగతం పలికిన అభిమానులు
- బన్నీ ఫ్లెక్సీలు, బ్యానర్లతో కళకళలాడిన నల్గొండ పట్టణం
టాలీవుడ్ ఐకాన్ స్టార్ అల్లు అర్జున్ ఇవాళ నల్గొండ పట్టణానికి విచ్చేశారు. ఇక్కడ నూతనంగా నిర్మించిన కంచర్ల కన్వెన్షన్ సెంటర్ కు ప్రారంభోత్సవం చేశారు. రిబ్బన్ కట్ చేసి కన్వెన్షన్ సెంటర్ నిర్వాహకులకు శుభాకాంక్షలు తెలియజేశారు. కాగా, అల్లు అర్జున్ నల్గొండ వచ్చిన సందర్భంగా అభిమానులు పోటెత్తారు. గజమాలతో ఘనస్వాగతం పలికారు. బన్నీ తన అభిమానులను నిరాశపరచకుండా, అందరికీ అభివాదం చేస్తూ ముందుకు కదిలారు. బన్నీ రాక నేపథ్యంలో, అభిమానులు ఏర్పాటు చేసిన బ్యానర్లు, ఫ్లెక్సీలతో నల్గొండ కళకళలాడింది.
