టీ20 వరల్డ్ కప్ సెమీస్... ఆసీస్ తో తలపడుతున్న టీమిండియా అమ్మాయిలు

దక్షిణాఫ్రికాలో జరుగుతున్న టీ20 వరల్డ్ కప్ లో టీమిండియా అమ్మాయిలు నేడు సెమీఫైనల్లో ఆస్ట్రేలియాతో తలపడుతున్నారు. కేప్ టౌన్ లో జరుగుతున్న ఈ మ్యాచ్ లో ఆస్ట్రేలియా టాస్ గెలిచి బ్యాటింగ్ ఎంచుకుంది. 6 ఓవర్లు ముగిసేసరికి ఆసీస్ వికెట్ నష్టపోకుండా 43 పరుగులు చేసింది. ఓపెనర్లు అలీసా హీలీ 23, బెత్ మూనీ 19 పరుగులతో ఆడుతున్నారు. ఓపెనింగ్ జోడీని విడదీసేందుకు టీమిండియా బౌలర్లు చెమటోడ్చుతున్నారు. 

కాగా, ఈ మ్యాచ్ లో ఆసీస్ ను 150 పరుగుల లోపే కట్టడి చేస్తేనే టీమిండియాకు విజయావకాశాలు ఉంటాయి. మెరుగైన బౌలింగ్ వనరులున్న ఆసీస్ పై లక్ష్యఛేదన ఏమంత సులువు కాదు. మరి టీమిండియా అమ్మాయిలు ఏంచేస్తారో చూడాలి.