తెలంగాణలో 100కి దిగువన కరోనా రోజువారీ కేసులు

తెలంగాణలో కరోనా వ్యాప్తి బాగా తగ్గిపోయింది. గడచిన 24 గంటల్లో 7,938 కరోనా పరీక్షలు నిర్వహించగా, 88 పాజిటివ్ కేసులు వెల్లడయ్యాయి. వాటిలో 56 కేసులు హైదరాబాద్ లో నమోదయ్యాయి. రంగారెడ్డి జిల్లాలో 8 కొత్త కేసులు గుర్తించారు. ఇంకా 60 మంది ఫలితాలు వెల్లడి కావాల్సి ఉంది. అదే సమయంలో 102 మంది కరోనా నుంచి కోలుకోగా, కొత్తగా మరణాలేవీ సంభవించలేదు. 

తెలంగాణలో ఇప్పటిదాకా 8,35,941 కరోనా పాజిటివ్ కేసులు నమోదు కాగా... 8,30,956 మంది ఆరోగ్యవంతులయ్యారు. ఇంకా 874 మంది చికిత్స పొందుతున్నారు. రాష్ట్రంలో కరోనాతో ఇప్పటిదాకా 4,111 మంది మృతి చెందారు.