'లడ్కీ' చిత్రానికి నా కాలేజీ రోజుల్లోనే బీజం పడింది: వర్మ

మార్షల్ ఆర్ట్స్ నిపుణురాలు పూజా భలేకర్ ప్రధానపాత్రలో రామ్ గోపాల్ వర్మ తెరకెక్కించిన చిత్రం 'లడ్కీ'. గాళ్ డ్రాగన్ అనేది క్యాప్షన్. కాగా ఈ చిత్రం జులై 15న ప్రపంచవ్యాప్తంగా విడుదల కానుంది. ఇటీవలే పోస్ట్ ప్రొడక్షన్ పనులు పూర్తయ్యాయి. కాగా, ఈ సినిమాపై వర్మ ట్విట్టర్ లో స్పందించారు. 

'లడ్కీ' చిత్రానికి తాను కాలేజీలో చదివే రోజుల్లోనే బీజం పడిందని వెల్లడించారు. ఆ సమయంలో తాను ఎక్కువగా బ్రూస్ లీ చిత్రాలే చూసేవాడ్నని, తాను కూడా మార్షల్ ఆర్ట్స్ ప్రాక్టీస్ చేసేవాడ్నని వర్మ వివరించారు. అంతేకాదు, ఒంటిపై చొక్కా లేకుండా మార్షల్ ఆర్ట్స్ ప్రాక్టీసు చేస్తున్న ఫొటోను కూడా పంచుకున్నారు.