సంక్రాంతికి ముందుగానే బాలయ్య సినిమా రిలీజ్!

బాలకృష్ణ కథానాయకుడిగా గోపీచంద్ మలినేని దర్శకత్వంలో ఒక సినిమా రూపొందుతోంది. కెరియర్ పరంగా బాలకృష్ణకి ఇది 107వ సినిమా. మైత్రీ మూవీ మేకర్స్ వారు నిర్మిస్తున్న ఈ సినిమాకి ఇంకా టైటిల్ ను ఖరారు చేయలేదు. ఈ సినిమాలో ఆయన సరసన నాయికగా శ్రుతి హాసన్ నటిస్తోంది.
 
రాయలసీమ నేపథ్యంలో సాగే ఈ సినిమాలో ప్రతినాయకుడిగా దునియా విజయ్ నటిస్తున్నాడు. ఆయన పాత్రను డిజైన్ చేసిన తీరు డిఫరెంట్ గా ఉంటుందని అంటున్నారు. బాలకృష్ణకి కరోనా రావడం వలన షూటింగుకి బ్రేక్ ఇచ్చారు. వచ్చేవారం నుంచి షూటింగును మొదలుపెట్టనున్నట్టు తెలుస్తోంది.

ఇక ఈ సినిమాను సంక్రాంతికి విడుదల చేయనున్నట్టు వార్తలు వచ్చాయి. కానీ డిసెంబర్ ఫస్టు వీక్ లోనే ఈ సినిమాను విడుదల చేయనున్నట్టుగా చెబుతున్నారు. ఇంతకుముందు బాలకృష్ణ చేసిన 'అఖండ' డిసెంబర్ 2వ తేదీన విడుదలై, సంక్రాంతికి కూడా సందడి చేసిన సంగతి తెలిసిందే.