తెలంగాణలో అనేక జిల్లాల్లో కొత్త కేసులు నిల్... కరోనా బులెటిన్ ఇదిగో!

తెలంగాణలో కరోనా వ్యాప్తి కనిష్ఠ స్థాయికి పడిపోయింది. గడచిన 24 గంటల్లో 25,658 కరోనా పరీక్షలు నిర్వహించగా, 90 కొత్త కేసులు వెల్లడయ్యాయి. హైదరాబాదులో 35 కొత్త కేసులు నమోదు కాగా... 13 జిల్లాల్లో కొత్త కేసులేవీ నమోదు కాలేదు. 

అదే సమయంలో 172 మంది కరోనా నుంచి కోలుకున్నారు. కొత్తగా మరణాలేవీ సంభవించలేదు. రాష్ట్రంలో ఇప్పటిదాకా 7,90,224 పాజిటివ్ కేసులు నమోదు కాగా... 7,84,972 మంది ఆరోగ్యవంతులయ్యారు. ఇంకా 1,141 మంది చికిత్స పొందుతున్నారు. 4,111 మంది కరోనాతో మరణించారు.
.