'ఆచార్య' ఫిక్స్ అయితే ఇక అంతే!

చిరంజీవి - కొరటాల కాంబినేషన్లో 'ఆచార్య' సినిమా రూపొందింది. చరణ్ - నిరంజన్ రెడ్డి కలిసి ఈ సినిమాను భారీ బడ్జెట్ తో నిర్మిస్తున్నారు. అవినీతిపరుల భరతం పట్టాలంటే ఆయుధం పట్టాల్సిందే అనే ఉద్దేశంతో ఇద్దరు కథానాయకులు అడుగుముందుకు వేసే కథ ఇది. ఈ సినిమాలో చిరూ సరసన కాజల్ మెరవనుంది.

ఇక 'సిద్ధ' అనే ఒక ముఖ్యమైన పాత్రను చరణ్ చేయగా, ఆయన జోడీగా పూజ హెగ్డే అందాల సందడి చేయనుంది. ఇప్పటికే 'నీలాంబరి' పాత్రతో లుక్ పరంగా ఆమె ఆకట్టుకుంది. ప్రస్తుతం ఈ సినిమా నిర్మాణానంతర కార్యక్రమాలను జరుపుకుంటోంది. ఈ సినిమాను ఫిబ్రవరి 4వ తేదీన విడుదల చేయనున్నట్టు ఇంతకుముందే మేకర్స్ ప్రకటించారు.

అయితే ఈ సినిమా ఆ రోజున థియేటర్స్ కి రావడం లేదంటూ రెండు మూడు రోజులుగా ప్రచారం జరుగుతోంది. ఈ విషయంపై వెంటనే మేకర్స్ స్పందించారు. తమ సినిమా వాయిదా పడనుందనే విషయంలో ఎంతమాత్రం నిజం లేదనీ, ముందుగా చెప్పినట్టుగానే ఫిబ్రవరి 4వ తేదీన థియేటర్స్ కి వస్తుందని స్పష్టం చేశారు. రిలీజ్ డేట్ తో కూడిన కొత్త పోస్టర్లను కూడా వదిలారు..