Prabhas: 'ఒకే వేదిక‌పై అల్లు అర్జున్, ప్ర‌భాస్' వార్తల్లో నిజం లేదు: శ‌ర‌త్ చంద్ర

బ‌న్నీ, సుకుమార్ కాంబినేష‌న్‌లో వ‌స్తోన్న పుష్ప సినిమాకు సంబంధించి డిసెంబ‌రు 12వ తేదీన ప్రీ రిలీజ్ ఈవెంట్ ను భారీ స్థాయిలో జరపనున్న విష‌యం తెలిసిందే. అయితే, ఈ ప్రీ రిలీజ్ ఈవెంట్ కి ముఖ్య అతిథిగా ప్రభాస్ రానున్నట్లు వార్త‌లు వ‌స్తున్నాయి. ఇప్పటికే ప్ర‌భాస్‌ను ఈ ఈవెంట్‌కు ఆహ్వానించార‌ని ప్ర‌చారం జ‌రుగుతోంది.

అధికారికంగా ప్రకటన రాక‌పోయిన‌ప్ప‌టికీ ఈ ఊహాగానాలు మొద‌ల‌య్యాయి. ప్ర‌భాస్ న‌టిస్తోన్న రాధేశ్యామ్ సినిమా కూడా విడుద‌ల‌కు సిద్ధ‌మ‌వుతోంది. ఈ నేప‌థ్యంలో యంగ్ రెబ‌ల్ స్టార్ పుష్ప సినిమా ప్రీ రిలీజ్ ఈవెంట్‌కు హాజ‌రైతే రాధేశ్యామ్ సినిమాకు కూడా ప్ర‌మోష‌న్ ద‌క్కుతుంద‌ని వార్త‌లు వ‌స్తున్నాయి.

అయితే, ఈ ప్ర‌చారంపై గీతా ఆర్ట్స్ కంటెంట్ హెడ్, చావు కబురు చల్లగా సినిమా ఎగ్జిక్యూటివ్‌ నిర్మాత శ‌ర‌ద్ చంద్ర నాయుడు స్పందించారు. ఒకే వేదిక‌పై ప్ర‌భాస్, బ‌న్నీ క‌న‌ప‌డ‌నున్నారంటూ వ‌స్తోన్న వార్త‌ల్లో నిజం లేద‌ని ఆయ‌న స్ప‌ష్టం చేశారు.