Chandrababu: ఎన్టీఆర్... జాగ్రత్తగా ఉండాలి: చంద్రబాబు

టాలీవుడ్ అగ్రహీరో జూనియర్ ఎన్టీఆర్ కరోనా బారినపడిన నేపథ్యంలో టీడీపీ అధినేత చంద్రబాబు స్పందించారు. తారక్ త్వరగా కోలుకోవాలని ఆకాంక్షిస్తున్నట్టు చంద్రబాబు ట్వీట్ చేశారు. ఈ సమయంలో జాగ్రత్తగా ఉండాలని సూచించారు. పూర్తి ఆరోగ్యం సంతరించుకోవాలని కోరుకుంటున్నట్టు తెలిపారు.

అటు, టీడీపీ జాతీయ ప్రధాన కార్యదర్శి నారా లోకేశ్ కూడా ఎన్టీఆర్ ఆరోగ్య పరిస్థితిపై స్పందించారు. కరోనా నుంచి సత్వరమే కోలుకోవాలని ప్రార్థిస్తున్నట్టు లోకేశ్ తెలిపారు. తారక్ తో పాటు ఆయన కుటుంబ సభ్యులు కూడా అన్ని జాగ్రత్తలు తీసుకోవాలని సూచించారు. కరోనా పాజిటివ్ గా నిర్ధారణ అయిన జూనియర్ ఎన్టీఆర్ ప్రస్తుతం ఐసోలేషన్ లో ఉన్న సంగతి తెలిసిందే.

ఇక, జూనియర్ మేనత్త, బీజేపీ జాతీయ ప్రధాన కార్యదర్శి దగ్గుబాటి పురందేశ్వరి కూడా ట్వీట్ చేశారు. నీవు త్వరగా కోలుకోవాలని కోరుకుంటున్నాను అని స్పందించారు.