Jagan: ఏపీ ‘స్థానిక’ సంస్థల ఎన్నికల్లో బీసీల రిజర్వేషన్ పై సీఎం జగన్ కీలక నిర్ణయం
హైకోర్టు ఆదేశాల మేరకు ఏపీలో త్వరలో జరగనున్న స్థానిక సంస్థల ఎన్నికల్లో బీసీలకు 24 శాతం రిజర్వేషన్లు అమలు కానున్న విషయం తెలిసిందే. బీసీలకు 34 శాతం రిజర్వేషన్లు కల్పించాలని భావించిన వైసీపీకి ఈ తీర్పుతో ఎదురుదెబ్బతగిలినట్టయింది. అయితే, బీసీలకు 34 శాతం సీట్లు ఇచ్చే విషయమై సీఎం జగన్ కీలక నిర్ణయం తీసుకున్నారు. బీసీలకు 10 శాతం సీట్లు పార్టీ తరఫున ఇవ్వాలని నిర్ణయం తీసుకున్నారు. ఈ మేరకు మంత్రి బొత్స సత్యనారాయణ ఓ ప్రకటన చేశారు. తమ పార్టీ నేతలతో కలిసి ఈరోజు ఏర్పాటు చేసిన విలేకరుల సమావేశంలో ఈ విషయాన్ని ప్రకటించారు.
