తెలంగాణ ప్రజలను గమనిస్తున్నాను... ఈసారి వచ్చేది బీజేపీనే: ప్రధాని మోదీ
- సికింద్రాబాద్ పరేడ్ గ్రౌండ్స్ లో బీజేపీ భారీ బహిరంగ సభ
- తెలంగాణలో భారీ మెజార్టీతో బీజేపీ ప్రభుత్వం ఏర్పాటు ఖాయమన్న మోదీ
- కాంగ్రెస్, బీఆర్ఎస్ కుటుంబ రాజకీయాలతో ప్రజలు విసిగిపోయారని వ్యాఖ్యలు
- పశ్చిమ బెంగాల్ చారిత్రక విజయం ఇక్కడ కూడా ఉత్సాహం నింపిందని వెల్లడి
- కాంగ్రెస్ పార్టీ ఇప్పుడు 'ఎంఎంసీ'గా మారిందంటూ తీవ్ర విమర్శలు
తెలంగాణలో తదుపరి ప్రభుత్వాన్ని బీజేపీ ఏర్పాటు చేస్తుందని ప్రధాని నరేంద్ర మోదీ ధీమా వ్యక్తం చేశారు. వచ్చే ఎన్నికల్లో బీజేపీ భారీ మెజార్టీతో అధికారంలోకి రావడం ఖాయమని ఆయన స్పష్టం చేశారు. ఆదివారం నాడు సికింద్రాబాద్ పరేడ్ గ్రౌండ్స్లో జరిగిన భారీ బహిరంగ సభలో ఆయన ప్రసంగించారు. కాంగ్రెస్, బీఆర్ఎస్ పార్టీలు ఇచ్చిన హామీలను నెరవేర్చడంలో విఫలమయ్యాయని, వారి కుటుంబ రాజకీయాలతో తెలంగాణ ప్రజలు విసిగిపోయారని, అందుకే మార్పు కోరుకుంటున్నారని అన్నారు.
ప్రధాని మోదీ తన ప్రసంగాన్ని పశ్చిమ బెంగాల్ ఎన్నికల విజయంతో ప్రారంభించారు. "నిన్న నేను బెంగాల్లో ఉన్నాను. అక్కడ తొలిసారి బీజేపీ ముఖ్యమంత్రి ప్రమాణ స్వీకారం చేశారు. భారీ మెజార్టీతో బీజేపీ ప్రభుత్వం ఏర్పడింది" అని గుర్తుచేశారు. ఈ చారిత్రక విజయం పట్ల ఉత్సాహం ఇక్కడ తెలంగాణలో కూడా కనిపిస్తోందని, ప్రతి బీజేపీ కార్యకర్తలో నూతనోత్తేజం ఉప్పొంగుతోందని అన్నారు. దేశం నలుమూలలా బీజేపీపై ప్రజల ఆశీస్సులు నిరంతరం పెరుగుతున్నాయని తెలిపారు. బీజేపీ అభివృద్ధి, సుపరిపాలన నమూనాకు ప్రజలు పదేపదే మద్దతు ఇస్తున్నారని చెప్పారు.
బెంగాల్లో కేవలం రాజకీయ పార్టీలు గెలవడం, ఓడిపోవడం జరగలేదని మోదీ అన్నారు. అక్కడి ప్రజలను ఒకరకంగా బానిసత్వపు సంకెళ్లలో బంధించిన రాజకీయాలను ప్రజలు ఓడించారని వ్యాఖ్యానించారు. దేశంలో కాంగ్రెస్ అవినీతిని పెంచిందని, కుటుంబ రాజకీయాలను ప్రోత్సహించిందని, రాజ్యాంగ సంస్థలను నిర్వీర్యం చేసిందని ఆరోపించారు. తృణమూల్ కాంగ్రెస్ (టీఎంసీ) కూడా కాంగ్రెస్ నుంచే ఈ చెడులన్నింటినీ నేర్చుకుందని, వామపక్షాల చెడు అలవాట్లను కూడా అలవర్చుకుందని విమర్శించారు. ఇలాంటి భయంకరమైన రాజకీయ నియంతృత్వ నమూనాను బెంగాల్ ప్రజలు ఓడించారని, అందుకే దేశవ్యాప్తంగా సంబరాలు జరుగుతున్నాయని తెలిపారు.
"ఈ దేశ రాజకీయాల్లో వస్తున్న మార్పునకు ఇది సంకేతం. ప్రజలు ఇప్పుడు కుటుంబ పాలన కంటే విశ్వాసాన్ని ఎంచుకుంటున్నారు" అని మోదీ అన్నారు. అసోంలో బీజేపీ హ్యాట్రిక్ సాధించిందని, పుదుచ్చేరిలో కూడా బీజేపీ-ఎన్డీఏ ప్రభుత్వం మళ్లీ అధికారంలోకి వచ్చిందని గుర్తుచేశారు. "ఈ విజయాల తర్వాత తెలంగాణ ప్రజల మనోభావాలను నేను గమనిస్తున్నాను. ఈసారి తెలంగాణలో కూడా బీజేపీ ప్రభుత్వమే" అని అందరూ అంటున్నారని తెలిపారు.
ఒకప్పుడు దేశవ్యాప్తంగా బీజేపీకి కేవలం ఇద్దరు ఎంపీలు ఉన్నప్పుడు, ఆ ఇద్దరిలో ఒకరిని అందించిన గడ్డ తెలంగాణ అని మోదీ గుర్తుచేశారు. ఇప్పుడు రాష్ట్రంలోని ఎంపీలలో దాదాపు సగం మంది బీజేపీ వారేనని తెలిపారు. తెలంగాణ ప్రజలు, రాష్ట్ర బీజేపీ కార్యకర్తలపై తనకు పూర్తి విశ్వాసం ఉందని, వచ్చే ఎన్నికల్లో బీజేపీ భారీ మెజార్టీతో ప్రభుత్వాన్ని ఏర్పాటు చేస్తుందని ధీమా వ్యక్తం చేశారు.
ఈ సందర్భంగా కాంగ్రెస్ పార్టీపై ప్రధాని మోదీ తీవ్రస్థాయిలో విరుచుకుపడ్డారు. "కాంగ్రెస్ పార్టీ ఇప్పుడు దేశాన్ని విడదీసే విభజన, ద్వేషపూరిత రాజకీయాలకు ప్రధాన కేంద్రంగా మారింది. కాంగ్రెస్ పార్టీ ఇప్పుడు వామపక్ష పార్టీల కంటే వామపక్షంగా... అంటే, పక్కా వక్రీకరించిన మావోయిస్టుగా మారింది. ముస్లిం లీగ్ కంటే కరడుగట్టిన ముస్లిం లీగర్గా తయారైంది. అందుకే ప్రజలు కాంగ్రెస్ పార్టీని 'ఎంఎంసీ' అని పిలుస్తున్నారు, అంటే ముస్లిం లీగ్ మావోయిస్ట్ కాంగ్రెస్ అని అర్థం" అని వివరించారు.
ఎన్నికలకు ముందు తప్పుడు హామీలు ఇవ్వడం, అధికారంలోకి వచ్చాక వాటిని మరిచిపోవడం కాంగ్రెస్ పార్టీకి అలవాటు అని ప్రధాని విమర్శించారు. హిమాచల్ ప్రదేశ్, కర్ణాటకలో కాంగ్రెస్ తన వాగ్దానాలను మరచిపోయిందని, ఇప్పుడు తెలంగాణలో కూడా అదే పరిస్థితి కనిపిస్తోందని అన్నారు. దేశంలో మావోయిస్టు ఉగ్రవాదం చివరి శ్వాస తీసుకుంటున్నప్పటికీ, మావోయిస్టులను కాపాడేందుకు కాంగ్రెస్ ప్రయత్నిస్తోందని ఆరోపించారు.
తెలంగాణ అభివృద్ధికి బీజేపీ కట్టుబడి ఉందని మోదీ పునరుద్ఘాటించారు. అభివృద్ధి చెందిన భారత్తో సమానంగా తెలంగాణ, హైదరాబాద్ కూడా పురోగమించేలా చూడటమే తమ ప్రయత్నమని, అందుకోసం వేల కోట్ల రూపాయల విలువైన ప్రాజెక్టులకు శంకుస్థాపన చేసే అవకాశం లభించిందని తెలిపారు. ఈ సభలో రాష్ట్ర బీజేపీ అధ్యక్షుడు రాంచందర్ రావు, కేంద్ర మంత్రులు జి. కిషన్ రెడ్డి, బండి సంజయ్ కుమార్, ఎంపీ కె. లక్ష్మణ్ తదితరులు ప్రసంగించారు. ఈ కార్యక్రమంలో ప్రధాని మోదీ వేదికపై డప్పు కొట్టి ఉత్సాహ పరిచారు.
ప్రధాని మోదీ తన ప్రసంగాన్ని పశ్చిమ బెంగాల్ ఎన్నికల విజయంతో ప్రారంభించారు. "నిన్న నేను బెంగాల్లో ఉన్నాను. అక్కడ తొలిసారి బీజేపీ ముఖ్యమంత్రి ప్రమాణ స్వీకారం చేశారు. భారీ మెజార్టీతో బీజేపీ ప్రభుత్వం ఏర్పడింది" అని గుర్తుచేశారు. ఈ చారిత్రక విజయం పట్ల ఉత్సాహం ఇక్కడ తెలంగాణలో కూడా కనిపిస్తోందని, ప్రతి బీజేపీ కార్యకర్తలో నూతనోత్తేజం ఉప్పొంగుతోందని అన్నారు. దేశం నలుమూలలా బీజేపీపై ప్రజల ఆశీస్సులు నిరంతరం పెరుగుతున్నాయని తెలిపారు. బీజేపీ అభివృద్ధి, సుపరిపాలన నమూనాకు ప్రజలు పదేపదే మద్దతు ఇస్తున్నారని చెప్పారు.
బెంగాల్లో కేవలం రాజకీయ పార్టీలు గెలవడం, ఓడిపోవడం జరగలేదని మోదీ అన్నారు. అక్కడి ప్రజలను ఒకరకంగా బానిసత్వపు సంకెళ్లలో బంధించిన రాజకీయాలను ప్రజలు ఓడించారని వ్యాఖ్యానించారు. దేశంలో కాంగ్రెస్ అవినీతిని పెంచిందని, కుటుంబ రాజకీయాలను ప్రోత్సహించిందని, రాజ్యాంగ సంస్థలను నిర్వీర్యం చేసిందని ఆరోపించారు. తృణమూల్ కాంగ్రెస్ (టీఎంసీ) కూడా కాంగ్రెస్ నుంచే ఈ చెడులన్నింటినీ నేర్చుకుందని, వామపక్షాల చెడు అలవాట్లను కూడా అలవర్చుకుందని విమర్శించారు. ఇలాంటి భయంకరమైన రాజకీయ నియంతృత్వ నమూనాను బెంగాల్ ప్రజలు ఓడించారని, అందుకే దేశవ్యాప్తంగా సంబరాలు జరుగుతున్నాయని తెలిపారు.
"ఈ దేశ రాజకీయాల్లో వస్తున్న మార్పునకు ఇది సంకేతం. ప్రజలు ఇప్పుడు కుటుంబ పాలన కంటే విశ్వాసాన్ని ఎంచుకుంటున్నారు" అని మోదీ అన్నారు. అసోంలో బీజేపీ హ్యాట్రిక్ సాధించిందని, పుదుచ్చేరిలో కూడా బీజేపీ-ఎన్డీఏ ప్రభుత్వం మళ్లీ అధికారంలోకి వచ్చిందని గుర్తుచేశారు. "ఈ విజయాల తర్వాత తెలంగాణ ప్రజల మనోభావాలను నేను గమనిస్తున్నాను. ఈసారి తెలంగాణలో కూడా బీజేపీ ప్రభుత్వమే" అని అందరూ అంటున్నారని తెలిపారు.
ఒకప్పుడు దేశవ్యాప్తంగా బీజేపీకి కేవలం ఇద్దరు ఎంపీలు ఉన్నప్పుడు, ఆ ఇద్దరిలో ఒకరిని అందించిన గడ్డ తెలంగాణ అని మోదీ గుర్తుచేశారు. ఇప్పుడు రాష్ట్రంలోని ఎంపీలలో దాదాపు సగం మంది బీజేపీ వారేనని తెలిపారు. తెలంగాణ ప్రజలు, రాష్ట్ర బీజేపీ కార్యకర్తలపై తనకు పూర్తి విశ్వాసం ఉందని, వచ్చే ఎన్నికల్లో బీజేపీ భారీ మెజార్టీతో ప్రభుత్వాన్ని ఏర్పాటు చేస్తుందని ధీమా వ్యక్తం చేశారు.
ఈ సందర్భంగా కాంగ్రెస్ పార్టీపై ప్రధాని మోదీ తీవ్రస్థాయిలో విరుచుకుపడ్డారు. "కాంగ్రెస్ పార్టీ ఇప్పుడు దేశాన్ని విడదీసే విభజన, ద్వేషపూరిత రాజకీయాలకు ప్రధాన కేంద్రంగా మారింది. కాంగ్రెస్ పార్టీ ఇప్పుడు వామపక్ష పార్టీల కంటే వామపక్షంగా... అంటే, పక్కా వక్రీకరించిన మావోయిస్టుగా మారింది. ముస్లిం లీగ్ కంటే కరడుగట్టిన ముస్లిం లీగర్గా తయారైంది. అందుకే ప్రజలు కాంగ్రెస్ పార్టీని 'ఎంఎంసీ' అని పిలుస్తున్నారు, అంటే ముస్లిం లీగ్ మావోయిస్ట్ కాంగ్రెస్ అని అర్థం" అని వివరించారు.
ఎన్నికలకు ముందు తప్పుడు హామీలు ఇవ్వడం, అధికారంలోకి వచ్చాక వాటిని మరిచిపోవడం కాంగ్రెస్ పార్టీకి అలవాటు అని ప్రధాని విమర్శించారు. హిమాచల్ ప్రదేశ్, కర్ణాటకలో కాంగ్రెస్ తన వాగ్దానాలను మరచిపోయిందని, ఇప్పుడు తెలంగాణలో కూడా అదే పరిస్థితి కనిపిస్తోందని అన్నారు. దేశంలో మావోయిస్టు ఉగ్రవాదం చివరి శ్వాస తీసుకుంటున్నప్పటికీ, మావోయిస్టులను కాపాడేందుకు కాంగ్రెస్ ప్రయత్నిస్తోందని ఆరోపించారు.
తెలంగాణ అభివృద్ధికి బీజేపీ కట్టుబడి ఉందని మోదీ పునరుద్ఘాటించారు. అభివృద్ధి చెందిన భారత్తో సమానంగా తెలంగాణ, హైదరాబాద్ కూడా పురోగమించేలా చూడటమే తమ ప్రయత్నమని, అందుకోసం వేల కోట్ల రూపాయల విలువైన ప్రాజెక్టులకు శంకుస్థాపన చేసే అవకాశం లభించిందని తెలిపారు. ఈ సభలో రాష్ట్ర బీజేపీ అధ్యక్షుడు రాంచందర్ రావు, కేంద్ర మంత్రులు జి. కిషన్ రెడ్డి, బండి సంజయ్ కుమార్, ఎంపీ కె. లక్ష్మణ్ తదితరులు ప్రసంగించారు. ఈ కార్యక్రమంలో ప్రధాని మోదీ వేదికపై డప్పు కొట్టి ఉత్సాహ పరిచారు.
